¡KU KʼWAJIY TʼOJOJODH!
An atiklábchik axi exoblamadh in ulalchik abal lej weʼits neʼets ka taliy an xeʼtsintaláb—Jawa’ in ulal an Biblia
Ti 24 a enero ti 2023, an atiklábchik axi exoblámadh in uluwchik aabal axéʼ xi xeʼtsintaláb lej weʼits neʼets ka taliy.
«Axéʼ an martes axi watʼey in tejwamédhaʼ abal lej weʼits neʼets ka taliy an xeʼtsintaláb, kom tujey an pextaláb ti Ucrania ani kom kʼwajat ti lej kʼakʼel an tsabál» (Servicio internacional de noticias de la agencia AFP).
«Ti 24 a enero an atiklábchik axi exoblámadh in olnaʼ abal kʼwajatits ti lej utel an kʼicháj abal ka taliy an tsabál» (ABC News).
«Tin puwel an tsabál talchik i atikláb axi exoblamadh in uluw abal xowéʼ lej kʼakʼadits an xeʼtsintaláb kom weʼits neʼets ka taliy» (The Guardian).
¿Neʼets ka taliy an atikláb ani an tsabál? ¿Walám in tomnal ku jikʼey kʼal jawaʼ neʼets ka watʼey al an kʼicháj axi taʼtal? ¿Jantʼoj in ulal an Biblia?
Jawaʼ neʼets ka watʼey al an kʼicháj axi taʼtal
An Bilia in ulal abal an «tsabál yab jaykʼiʼ neʼets ka talabedhaj» ani abal «tanaʼ neʼets ka kʼwajiy abal etsʼey an atiklábchik» (Eclesiastés 1:4; Salmo 37:29). Jaxtám i bélal abal an atiklábchik yab neʼets kin ejtow kin talabedhaʼ an tsabál nibal an atikláb kʼal jawaʼ in tʼajal.
Pero an Biblia in ulal abal neʼets ka ulits in taltal axéʼ xi xeʼtsintaláb. Jun i tʼipláb in ulal abal «axéʼ xi xeʼtsintaláb kʼwajatits ti talel» (1 Juan 2:17).
Max a léʼ ka exlaʼ jantʼoj in léʼ kin uluw tam an Biblia u kaw tin kwéntaj in taltal an xeʼtsintaláb ka ajiy an artículo «¿Se acerca el fin del mundo? ¿Qué es el apocalipsis?».
Abal ka exlaʼ jawaʼ in ulal an Biblia tin kwéntaj jawaʼ neʼets ka watʼey al an kʼicháj axi taʼtal ka ajiy an artículo «¿Cuándo será el fin del mundo?».
Yab kit jikʼey
Bélits abal an xeʼtsintaláb kʼwajat ti lej kʼibatmel an Biblia tu tólmiyal abal ku tsalpaxin tekedh. ¿Jantʼiniʼ tu tólmiyal?
An Biblia tu olchal jantʼoj ki tʼajaʼ (2 Timoteo 3:16, 17). Max a léʼ ka exlaʼ jantʼiniʼ an Biblia in éjtowal ti tolmiy ka koʼoy jun i tsalap axi tekedh bélits max a tametnal i kʼibataláb ka ajiy an artículo «Qué puedo hacer para no preocuparme tanto».
An Biblia jayej in ulal abal neʼets ku kʼwajiy más alwaʼ al an kʼicháj axi taʼtal (Romanos 15:4). Tu olchal jawaʼ neʼets ka watʼey xowéʼ ani al an kʼicháj axi taʼtal, axéʼ tu tólmiyal abal ki tametnaʼ an kʼibataláb axi waʼats tin puwél an tsabál.
Abal ka exbay más tin kwéntaj an Biblia a ejtowal ka eyendhaʼ an Programa abal kit exobchin kʼal an Biblia.
a «In taltal an xeʼtsintaláb in léʼ kin uluw abal játs in taltal an kʼwajil kom lej yan jawaʼ in tsʼejkámal an atiklábchik axi kʼwajat in odhnal an tsabál. Axéʼ pel jun i tʼipláb abal ki tsalpay jantʼoj i éjtowal ki tʼajaʼ max i léʼ ki aynanchij tu kʼwajil al axéʼ xi tsabál» (Bulletin of the Atomic Scientists [Boletín de Científicos Atómicos]).
Puede que también le interese
KONOWIXTALÁB TIN KWÉNTAJ AN BIBLIA
¿Jantʼoj játs an Armagedón?
An kaw Armagedón expidh juníl i elál ti Biblia, pero in léʼ kin uluw abal pel jun i pejextaláb ani axéʼ xi kaw, neʼets ka elaʼ yaníl ti Biblia.
TIN KWÉNTAJ WAWÁ’
U léʼ abal an ólchixchik kʼal a Jehová ti kin tsaʼbiy
¿A léʼ ka exlaʼ más tin kwéntaj an Biblia ani tin kwéntaj an ólchixchik kʼal a Jehová?
