¡KU KʼWAJIY TʼOJOJODH!
Tsapik yatsin an tsabál ti Turquía ani ti Siria ¿Jawaʼ in ulal an Biblia?
Ti lunes 6 a Febrero ti 2023, tsapik yatsin an tsabál ti Turquía ani ti Siria.
«Nixé’ a kʼicháj tsapik yatsin an tsabál juʼtáj tin kʼibaʼ in éjatal watʼadh 3,700 i atiklábchik yan u kʼwajílakchik ti Turqía ani ban noroeste ti Siria. Jayej yan kʼal axéʼ xi atiklábchik axi tsʼojbéj ani in kʼibaʼ in kʼimáʼ lej odhnáj kʼal an tsamáy. Ani kom an kʼicháj lej tsamay, axéʼ in tʼajaʼ ka kʼibatméj kin aliychik an atikláb axi jilkʼon tʼe’tsidh». (Reuters, 6 a febrero ti, 2023).
I lej yajnál ki exlaʼ an yajchixtaláb axi in watʼámal axéʼchik xi atikláb. Tam ki watʼaʼ i kʼibataláb, i éjtowal ki aliy in tólmixtal a Jehová, «an Dios axi tu dhakatbedhál» (2 Corintios 1:3) Kom Jajáʼ in tʼajál patal abal «tu kulbédhanchij i ichích kʼal patal jawakitskʼij ki yajchiknaʼ» (Romanos 15:4).
Ban Biblia, i exobnál axéʼ:
Abal neʼetsak ka tsapik yatsin an tsabál.
Juʼtáj i éjtowal ki elaʼ i tolmixtaláb an i aychixtaláb.
Jantʼoj neʼets kin tʼajaʼ a Dios abal kin talabédha an yajchixtaláb.
Max a leʼ ka exla más jantʼoj in olnál an Biblia, ka ajiy axéʼ xi artículos:
Tam ka lej tsapik teleláts an tsabál: ¿jantʼoj in kʼej uluw an Biblia?
a In bij a Dios pel Jehová.(Salmos 83:18).