27 a enero ma ti 2 a febrero
SALMOS 140 ma ti 143
Ajatláb sjj-S 44 ani oláb | Jawaʼ neʼets ki exóbnaʼ (1 min.)
1. ¿Jantʼoj kwaʼal ki tʼajaʼ talbél ti olonchámal a Jehová?
(10 mins.)
Ka batsʼuw kʼal a kulbétal an exobchixtaláb axi ki pidhan (Sl 141:5; w22.02 12 párrs. 13, 14).
Ka tsalpay kʼal patal jawaʼ in tʼajámal a Jehová abal ti tólmiy tatáʼ ani in bichówil (Sl 143:5; w10 15/3 32 párr. 4).
Ka tsápnanchij ki tsálpaxin ejtíl a Jehová (Sl 143:10; w15 15/3 32 párr. 2).
Ti Salmos 140 ma ti 143 i elál jawaʼ a David in kónchalak a Jehová ti oláb, pero jayej i elál jawaʼ in tʼajálak a David talbél tin olonchámal a Jehová.
2. Exbadh exobchixtaláb axi i kaldhál ti Biblia
(10 mins.)
-
Sl 140:3 ¿Jaleʼ ti a David in jumbiy in lekʼáb an pójkaxchik kʼal in lekʼáb jun i tsan? (it-2 682).
-
¿Jantʼoj a exóbnaʼ ban ajumtaláb ti Biblia al axéʼ an semana?
3. Ajumtaláb kʼal an Biblia
(4 mins.) Sl 141:1 ma ti 10 (th ajumtaláb 12).
4. Ka tujchij tit tʼilom
(4 mins.) KI TʼILMAY AN ATIKLÁB JUʼTÁMAKITS KU XEʼTSIN. Talbél ta tolmiyámal kʼal jantʼoj an atikláb, ka tujchij ka tʼilchij jantʼoj tin kwéntaj an Biblia (lmd ajumtaláb 3 punto 5).
5. Ka tsab tsaʼbiy an atiklábchik
(3 mins.) KU OLNOMÁTS JUʼTÁJ U TÁMKUNAL YAN I ATIKLÁB. An atikláb ti uchál abal kʼwajat tʼojlidh (lmd ajumtaláb 7 punto 3).
6. Ka wilkʼaʼ jawaʼ a belál
(5 min.) Tejwamedhomtaláb. lff ajumtaláb 39 in tujtal an ajumtaláb ani puntos 1, 2. Bij: ¿Jantʼoj in tsálpayal a Dios tin kwéntaj an xitsʼ? (th ajumtaláb 7).
Ajatláb sjj-S 141
7. Kit kʼwajiy tʼojojodh abal max ka yéjenchij ki neʼdháj kʼal an doctor o ki tʼajchin jun i operación
(15 mins.) Ka exóbnaʼ kʼal axi tamkudhchik.
A Jehová in ulumal abal etsʼey neʼets ka kʼwajiy kʼal wawáʼ tam ki atsʼaʼ lej tʼeʼpidh (Sl 46:1). Tam ki yéjenchij ku neʼdháj kʼal an doctor o ku tʼajchat jun i operación, walám neʼets ki atsʼaʼ tʼeʼpidh, pero a Jehová tu pidhámal yan i tolmixtaláb abal ku kʼwajiy tʼojojodh tam ki watʼaʼ axéʼ. Jun i tʼiplab, tu pidhámal an tarjeta de instrucciones médicas (DPA), an tarjeta de identidad a ani kʼeʼat i uw axi in kwaʼal más i olchixtaláb tin kwéntaj axéʼ b. Jayej in éjtowal tu ku tólmiy an Comité de Enlace con los Hospitales (CEH). Patal axéʼ tu tólmiyal abal ki bélkaʼ an abatnaxtaláb axi a Jehová tu pidhámal tin kwéntaj an xitsʼ (Hch. 15:28, 29).
Ka punuw an VIDEO ¿It kʼwajat tʼojojodh max jun a kʼicháj ka yéjenchij ki neʼdháj kʼal an doctor? Talbél, ka tʼajaʼ axéʼ an konowixtalábchik:
-
¿Jantʼiniʼ ti tolmiyámej talchik i epchal kom in kwaʼalakits tʼuchat an tarjeta DPA?
-
¿Jantʼiniʼ ti tolmiyámej talchik i epchal kʼal an uw Información para mujeres embarazadas (S-401)?
-
Walám jun a kʼicháj ka yéjenchij ki neʼdháj ti hospital, o ki tʼajchat jun i operación o ki pidhan jun i ilál axi u eyendháb abal an cáncer. ¿Jaleʼ ti lej exbadh ka tʼilmay an epchalchik axi u tolmix ban Comité de Enlace con los Hospitales, belits max yab i uchnének jantʼoj tin kwéntaj an xitsʼ?
8. Exobintaláb kʼal an Biblia ti tamkuntaláb
(30 mins.) bt cap. 21 párrs. 14-22.
Jantʼoj i exóbnaʼ ban tamkuntaláb (3 mins.) | ani oláb
a An epchalchik axi pujadh in éjtowal kin konchij an siervo de publicaciones an tarjeta DPA ani an Tarjeta de identidad abal in tsakámil axi tsipílej.
b Tam ka yéjenchij, a éjtowal ka konchij an ókʼnomchik an uw Información para mujeres embarazadas (S-401), jayej an uw Información para pacientes que necesitan una intervención quirúrgica o quimioterapia (S-407), ani an uw Información para padres cuyos hijos necesitan tratamiento médico (S-55).
