26 A agosto ma ti 1 a septiembre
SALMO 78
Ajatláb sjj-S 97 ani oláb | Jawaʼ neʼets ki exóbnaʼ (1 min.)
1. Ki tsápnanchij ku kʼwajiy putudh kʼal a Jehová, yab ki tʼajaʼ ejtíl an israelitas
(10 mins.)
An israelitas in ukʼchiy patal an lablixtaláb axi pidhan kʼal a Jehová ani jawaʼ a Jehová in tʼajaʼ abal kin tólmiy (Sl 78:11, 42; w96 1/12 29, 30).
An israelitas yab in pidhaʼ in jalbíl patal an alwaʼtaláb axi u pídhnalak kʼal a Jehová (Sl 78:19; w06 15/7 17 párr. 16).
Belits abal an israelitas ukʼpinchik, yab in tsápnanchij kin tʼajaʼ jawaʼ tekedh, in áynanchij kin kʼibchij a Jehová (Sl 78:40, 41, 56, 57; w11 1/7 10 párrs. 3, 4).
KA TSALPAY: ¿Jantʼoj neʼets tu ku tólmiy abal ku kʼwajiy putudh kʼal a Jehová?
2. Exbadh exobchixtaláb axi i kaldhál ti Biblia
(10 mins.)
-
Sl 78:24, 25. ¿Jaleʼ ti ulal abal an maná talak ti éb ani abal pel «i pan in kʼál jitaʼchik tsapik»? (w06 15/7 11 párr. 5).
-
¿Jantʼoj a exóbnaʼ ban ajumtaláb ti Biblia al axéʼ an semana?
3. Ajumtaláb kʼal an Biblia
(4 mins.) Sl 78:1 ma ti 22 (th ajumtaláb 5).
4. Ka tujchij tit tʼilom
(3 mins.) TAM U ÓLNOM BAN ATALOM. Ka olnaʼ abal i binál i exobintaláb kʼal an Biblia (lmd ajumtaláb 5 punto 5).
5. Ka tujchij tit tʼilom
(3 mins.) TAM U ÓLNOM BAN ATALOM. Ka eyendhaʼ jun i tratado abal ka tujchij ka tʼilmay jun i atikláb. Ka ólnaʼ abal i binál i exobintaláb kʼal an Biblia (lmd ajumtaláb 5 punto 4).
6. Ka tujchij tit tʼilom
(1 min.) TAM U ÓLNOM BAN ATALOM. An atikláb ti uchál abal yab kit lej owey. Ka ólnaʼ abal i binál i exobintaláb kʼal an Biblia (lmd ajumtaláb 2 punto 5).
7. Ka tujchij tit tʼilom
(4 mins.) KI TʼILMAY AN ATIKLÁB JUʼTÁMAKITS KU XEʼTSIN. Biyat i tʼilom, ka tʼajaʼ abal an atikláb kin exlaʼ abal tatáʼ pel it ólchix kʼal a Jehová. Ka ólchij abal i binál i exobintaláb kʼal an Biblia (lmd ajumtaláb 2 punto 4).
Ajatláb sjj-S 96
8. Jawaʼ i exobnál tin kwéntaj a Felipe, jajáʼ in kulbetnálak ti ólnom
(15 mins.) Ka exóbnaʼ kʼal axi tamkudhchik.
An Biblia u kaw tin kwéntaj i atikláb axi tu jilchij jun i alwaʼ tʼiplab, ani kʼeʼatchik axi yab in tomnál ki nitsʼbiy. Abal ki ejtow ki exóbnaʼ jantʼoj tin kwéntaj jajáʼchik, in yéjenchal ki jolkʼaʼ i kʼij abal tu exóbal. Yab expidh neʼets ki ajiy an tʼilab axi kʼwajat ti Biblia, jayej neʼets kin yéjenchij ki tsalpay jantʼoj tu exóbchal ani talbél ki tsápnanchij ki jalkʼuy jawaʼ in yéjenchal ti ejatal.
Patal in tʼajálak ti kwéntaj abal a Felipe lej tsalpadhak ani u tolmiyáb kʼal an espíritu santo (Hch 6:3, 5). ¿Jantʼoj i exobnál kʼal in tʼiplábil?
Ka punuw an VIDEO Jawaʼ i exobnál tin kwéntaj a Felipe: Jajáʼ in kulbetnálak ti ólnom. Talbél ka konoy an epchalchik:
-
¿Jantʼoj i exobnál kʼal jawaʼ in tʼajaʼ a Felipe tam ti jalkʼun jantʼoj tin ejatal? (Hch 8:1, 4, 5).
-
¿Jantʼoj i exobnál kom a Felipe kʼalej ti ólnom juʼtáj más u yejenchábak i epchalchik? (Hch 8:6-8, 26-31, 34-40).
-
¿Jantʼoj i exobnál kom a Felipe ani in yanél in kulbetnálak kin batsʼuw an epchalchik tin kʼimáʼ? (Hch 21:8-10).
-
¿Jantʼiniʼ tin atsʼaʼ an yaneláb axi ban video kom in nitsʼbiy a Felipe?
9. Exobintaláb kʼal an Biblia ti tamkuntaláb
(30 mins.) bt cap. 14 párrs. 11-20.
