I EJATAL TU AYKOL KʼAL A CRISTO
A Jehová in kʼániyal jitaʼchik in tsálpayal abal yab jantʼoj in ey
Ti yanél walám junchikíl i atsʼámal u tʼeʼpidh. Pero nixéʼ yab pel kom tsaʼkanének i bélomtal, ma a Jehová in atsʼámal antsanáʼ (Gé 6:5, 6). Pero, ¿jantʼoj neʼets tu ku tólmiy max lej tsapik an tʼeʼpintaláb axi i atsʼál o max etsʼeyits u kʼwajat tʼeʼpidh?
Ka konchij a Jehová abal ti tólmiy. A Jehová in lej tʼajál ti kwéntaj jawaʼ i atsʼál ti ichích ani jawaʼ i tsalpayal. Jajáʼ in exlál tam u kʼwajat tʼeʼpidh o tam u kʼwajat kulbél. Jajáʼ in exlál jawaʼ kʼwajat i tsalpayal ani jaleʼ ti atsʼál antsanáʼ (Sl 7:9b). A Jehová u tʼeʼpinal kʼal wawáʼ, jaxtám in léʼ tu ku tólmiy tam i atsʼál u tʼeʼpidh o tam i atsʼál abal yabáts neʼets ki kuxuy an kʼibataláb (Sl 34:18).
Ka lej tʼajaʼ ti kwéntaj jawaʼ a tsalpayal. Tam yab u tsalpax tekedh, in tʼajál abal yab ki atsʼaʼ kulbél ani nixéʼ in éjtowal kin tʼajaʼ abal ku owméj kʼal a Jehová. Jaxtám ti lej exbadh ki tʼajaʼ ti kwéntaj jantʼoj i odhál ti ichích ani ti tsalápil (Pr 4:23).
TALBÉL TA TSUʼÚMAL AN VIDEO AN EPCHALCHIK IN ATSʼÁL I KOYATALÁB BÉLITS ABAL IN KWAʼAL I DEPRESIÓN, KA TÓKʼTSIY AXÉʼ XI KONOWIXTALÁBCHIK:
-
¿Jantʼoj in tʼajaʼ a Nikki abal kin ejtow kin kuxuy an depresión?
-
¿Jantʼiniʼ tin exlaʼ a Nikki abal in yéjenchalak ka kʼalej kʼal an doctor? (Mt 9:12).
-
¿Jantʼoj in tʼajaʼ a Nikki abal kin jilaʼ ka tólmiyat kʼal a Jehová?