I EJATAL TU AYKOL KʼAL A CRISTO
An ókʼnomchik u tʼojnal tsapik abal kin béletnaʼ in bichówil a Jehová
Yan i atikláb yab in kulbetnál kin bélkaʼ jitaʼchik in kwaʼal jun in éy, ¿jaleʼ? Kom an atiklábchik axi in kwaʼal jun in éy in odhnál axi kʼeʼat, ani játs watʼenek al yan i támub (Miq 7:3). Pero lej júnits jantʼiniʼ u tʼojnal in bichowil a Dios. A Jehová in exobchámal an ókʼnomchik abal kin eyendhaʼ alwaʼ in uchbíl abal kin béletnaʼ an epchalchik (Est 10:3; Mt 20:25, 26).
An atiklábchik axi in kwaʼal jun i éy expidh u tsalpax kʼal jajáʼchik, pero an ókʼnomchik yab játs antsanáʼ. Jajáʼchik u tʼojnal tsapik kom in kʼanidhál a Jehová ani an epchalchik (Jn 21:16; 1Pe 5:1-3). An ókʼnomchik in belkál a Jesús ani in tólminchal an epchalchik abal kin atsʼaʼ kʼán ti tamkuntaláb. Jayej in tólminchal abal kin jaʼúbnaʼ más a Jehová. Jajáʼchik etsʼey kʼwajat utat kʼal an epchalchik abal kin kanatbédhaʼ. Tam ka watʼey jun i yajchiktaláb o tam ka yawʼláts jun i epchal, an ókʼnomchik tanáʼ kʼwajat dhúbatkʼij abal kin tólmiychik. Max ka yéjenchij, ka tawnaʼ an ókʼnomchik, jajáʼchik dhúbatkʼij neʼets ti tólmiy (Snt 5:14).
TALBÉL TA TSUʼÚMAL AN VIDEO AN ÓKʼNOMCHIK IN ALWAʼ BELETNÁL AN EPCHALCHIK, KA TÓKʼTSIY AXÉʼ XI KONOWIXTALÁBCHIK:
-
¿Jawaʼ tam tolmixtaláb pidhan a Mariana kʼal an ókʼnomchik?
-
¿Jantʼiniʼ ti tólmiyat a Elías kʼal an ókʼnomchik?
-
Talbél ta tsuʼúmal axéʼ an video, ¿jantʼoj a tsálpayal kʼal an tʼojláb axi in tʼajál an ókʼnomchik?
