7 ma ti 13 a octubre
SALMOS 92 ma ti 95
Ajatláb sjj-S 84 ani oláb | Jawaʼ neʼets ki exóbnaʼ (1 min.)
1. Jawaʼ más kʼijidh jats ki tʼojonchij a Jehová
(10 mins.)
A Jehová in lej tomnál abal ki kʼakʼnaʼ (Sl 92:1, 4; w18.04 26 párr. 5).
A Jehová tu tólmiyal abal ki takuy jantʼoj kʼal axi ki atsʼaʼ kulbél (Sl 92:5; w18.11 20 párr. 8).
In pidhál yan in jalbíl in tʼojnálil belits abal payeblábits (Sl 92:12-15; w20.01 19 párr. 18).
KA KONOWIY TA BAʼ: «¿Jantʼoj tin tʼokʼbayal abal ku pidhaʼ u ejatal a Jehová ani kin pujan?».
2. Exbadh exobchixtaláb axi i kaldhál ti Biblia
(10 mins.)
-
Sl 92:5. ¿Jaleʼ ti axéʼ xi kaw in tejwamedhál abal a Jehová lej tsalpadh? (cl 176 párr. 18).
-
¿Jantʼoj a exóbnaʼ ban ajumtaláb ti Biblia al axéʼ an semana?
3. Ajumtaláb kʼal an Biblia
(4 mins.) Sl 94:1 ma ti 23 (th ajumtaláb 5).
4. Ka tujchij tit tʼilom
(4 mins.) KI TʼILMAY AN ATIKLÁB JUʼTÁMAKITS KU XEʼTSIN. Biyat i tʼilom kʼal jun i atikláb, ka aliy jantʼiniʼ ka ólchij abal i exóbchal an atiklábchik tin kwéntaj an Biblia (lmd ajumtaláb 5 punto 3).
5. Ka tsab tsaʼbiy an atiklábchik
(3 mins.) KI TʼILMAY AN ATIKLÁB JUʼTÁMAKITS KU XEʼTSIN. Ka ólchij jun i exobintaláb kʼal an Biblia jun i atikláb axi ti biyál yab in léʼnaʼ ti exóbal, pero tejwaʼ abal in léʼ kin exlaʼ más tin kwéntaj an Biblia (lmd ajumtaláb 8 punto 4).
6. Ka exóbchij an atikláb
(5 mins.) Ka tʼilmay jun i atikláb axi a exóbchal kʼal an Biblia, pero yab in tsápnanchal kin tʼajaʼ jawaʼ in exobnál (lmd ajumtaláb 12 punto 5).
Ajatláb sjj-S 5
7. An tsákamchik jayej u tʼeʼpinal
(15 mins.) Ka exóbnaʼ kʼal axi tamkudhchik.
In tʼojnálil a Jehová jayej in watʼalchik i tʼeʼpintaláb. Jun i tʼiplab, an tsʼalej David yaníl in koʼoy i tʼeʼpintaláb ani xowéʼ ta kʼicháj yan i epchal jayetsej in watʼál (Sl 13:2; 139:23). An tsákamchik xowéʼ ta kʼicháj jayej in bájuwal kin koʼoy i tʼeʼpintaláb. Walám jajáʼchik jayej u tsekel kom kwaʼal ka kʼalej ti escuela ani ti tamkuntaláb. Nixéʼ awits ka wenkʼon ti jun i kitaláb lej alchik abal jajáʼchik. Junchikíl, kʼal yan i tʼeʼpintaláb axi in kwaʼalchik, in bájuwal ka jikʼey o ma kin tsalpay kin tixkʼaʼ in ejatal.
Tsakam, max jun a kʼicháj ka atsʼaʼ abal ti lej atálits an tʼeʼpintaláb, ki tʼilmáts kʼal a papá o a mamá, o kʼal jun i epchal axi in kwaʼal jun i alwaʼ jaʼubtaláb kʼal a Jehová ani ka tʼilaʼ abal a éjtowal ka konchij a Jehová abal ti tólmiy (Flp 4:6). Jajáʼ etsʼey neʼets ti tólmiy (Sl 94:17-19; Is 41:10). Ka tʼajaʼ ti kwéntaj jantʼoj in watʼaʼ a Steing.
Ka punuw an VIDEO A Jehová yab jaykʼiʼ tin ukʼchiy. Talbél, ka tʼajaʼ axéʼ an konowixtalábchik:
• ¿Kʼal jawaʼ tam texto axi ti Biblia tólmiyat a Steing?
• ¿Jantʼiniʼ ti beletnáj kʼal a Jehová?
Tatalábchik, ka tólmiy a tsakámil abal yab ka atáj kʼal an tʼeʼpintaláb, ka otsʼowiychik kʼal yan i kʼayaʼtaláb. Ka tʼilchij abal a lej kʼanidhál ani ka tólmiychik abal kin belaʼ más kʼal a Jehová (Tit 2:4; Snt 1:19). Ka tʼilaʼchik abal a Jehová neʼets ti pidhaʼ an tsapláb ani an kanataláb axi ka yéjenchij.
Walám waʼats jun i epchal ti tamkuntaláb axi in atsʼál lej tʼeʼpidh ani wawáʼ yab i exlál, o walám i exlál tin kwéntaj jun i epchal axi kʼwajat in watʼal nixéʼ, pero wawáʼ i atsʼál kʼibat ki exbay jantʼiniʼ tin atsʼál. Belits antsanáʼ, i éjtowal ki tsápnanchij ki tejwamédhanchij patal an epchal abal i kʼanidhál, antsanáʼ neʼets kin atsʼaʼchik abal u tʼajnal ti kwéntaj ani u kʼanidháb (Pr 12:25; Heb 10:24).
8. Exobintaláb kʼal an Biblia ti tamkuntaláb
(30 mins.) bt cap. 16 párrs. 6-9 ani recuadro axi ban pág. 132.
