Ka eyendhaʼ i olchixtaláb axi exladh abal chubax. Jawaʼ ka uluw kwaʼal ka kʼwajiy kaldhach ti Biblia ani tam ka olnaʼ jún i texto, max ka ejtow, ka ajiy. Max neʼets ka olnaʼ jantʼoj tin kwéntaj an ciencia, jún i noticia, jantʼoj axi watʼey tin ejatal jún i atikláb o jawákits tam olchixtaláb, ka tʼajaʼ ti kwéntaj abal an olchixtaláb chubax watʼey ani yab jaluwámej.

Ka eyendhaʼ tekedh juʼtáj ta kaldhál an olchixtaláb. Tam ka wilkʼaʼ jún i texto axi ti Biblia ka tʼajaʼ ti kwéntaj jawaʼ kʼwajat okʼxidh ani talbél kʼal nixéʼ an texto, an olchixtaláb axi más exbadh ti Biblia ani an publicaciones in kʼál an «tʼojnal axi putudh ani tsalpadh» (Mat. 24:45). Max neʼets ka eyendhaʼ jún i olchixtaláb kaldhach al kʼeʼat i úw axi yab pél an Biblia, ka tʼajaʼ ti kwéntaj jantʼoj játs axi in léʼak kin uluw jitaʼ in dhuchaʼ ani jaleʼ tin uluw nixéʼ xi káw.

Ka tólmiy jitaʼ ti otsʼówiyal kin exbay jawaʼ a ólchal. Talbél ta ajiyámal jún i texto o a olnámal jantʼoj, ka tʼajaʼ i konowixtalábchik o ka punuw jún i tʼiplab abal jitaʼ ti otsʼówiyal kin exbay tin kwetémtal jawaʼ a léʼ ka ólchij.