Jawaʼ in tʼajaʼ a Jesús

¿Jantʼoj tu exóbchal in tʼiplabil a Jesús?

2. Max tam ki tujchij tu tʼilom kʼal jantʼoj axi an atikláb in kulbetnál neʼets tu ku tʼajaʼ ti kwéntaj ani neʼets ki ejtow ki tʼilmay.

 Ka nitsʼbiy a Jesús

3. Ka tʼilmay an atikláb kʼal jawaʼ in leʼ kin atsʼaʼ. Tam ka tʼilmay jun i atikláb yab expidh kwaʼal ka ólchij jawaʼ tatáʼ a tsalpayal, kwaʼal ka tʼajaʼ ti kwéntaj axi jajáʼ in kulbetnál. Tam, ka jalkʼuy a tsalapil ani ka konowiy ta baʼ:

1.    «¿Jantʼoj kʼwajat ti olnáb ban noticias?».

2.   «¿Jantʼoj in kulbetnál kin tʼilaʼ u at kʼwajíl, u at tʼojnal o u juntal exóbal ti escuela?».

4. Ka metʼaʼ jawaʼ waʼats ta tonídh. Ka konowiy ta baʼ:

1.    «Ka metʼaʼ jantʼoj kʼwajat in tʼajál an atikláb. ¿Jantʼoj Walám kʼwajat in tsalpayal?».

2.   «¿U éjtowal ku exlaʼ jantʼoj in belál, antsanáʼ jantʼiniʼ ti toltomidh ani jantʼiniʼ tu kʼwajíl?».

3.   «¿Walám in tomnál ku tujchij tin tʼilom?».

5. Ka otsʼowiy.

1.    Yab kit lej kawin.

2.   Ka jilaʼ abal an atikláb kin ólnaʼ jawaʼ in tsalpayal. Tam ka tsuʼuw abal in tomnál, ka konowiy jantʼoj.