KA TUJCHIJ TIT TʼILOM
AJUMTALÁB 4
Ka tejwamédhaʼ i tsaʼataláb
An texto juʼtáj ti kaldhámej: «Ka koʼoy tsaʼat a ichích, yab ka tsalpay abal tatáʼ it más lej alwaʼ ani axi kʼeʼatchik imbáj» (Filip. 2:3).
Jawaʼ in tʼajaʼ a Pablo
1. Ka tsuʼuw an VIDEO o ka ajiy Hechos 26:2, 3. Ani talbél ka tʼajaʼ ti kwéntaj axéʼ xi konowixtalábchik:
-
¿Jantʼiniʼ tin tejwamédhaʼ a Pablo abal tsaʼatak in ey tam ti in ólchij an alwaʼ kaw an tsʼalej Agripa?
-
¿Jantʼoj in tʼajaʼ a Pablo abal ka puwenchat a Jehová, kin olnaʼ jawaʼ in ulal an Dhuchlab ani yab kin olnaʼ in kwetém tsalapil? (Ka tsuʼuw Hechos 26:22).
¿Jantʼoj tu exóbchal in tʼiplabil a Pablo?
2. An atiklábchik neʼets kin leʼnaʼ tu ku otsʼowiy max kʼal i káwintal ki tejwamédhaʼ i tsaʼataláb ani i kʼakʼnaxtaláb.
Ka nitsʼbiy a Pablo
3. Yab ka kʼadhatnaʼ ta baʼ. Yab ki tejwamédhaʼ kʼal i káwintal abal wawáʼ más i exlál ani yab ki tidhebedhaʼ an atikláb ejtíl max jajáʼ yab in exlál jantʼoj.
4. Ka tejwamédhaʼ abal jawaʼ a olnál kʼwajat ti Biblia. In káwintal a Dios in éjtowal kin jalkʼuy in ejatal an atiklábchik. Tam i eyendhál an Biblia i tólmiyal an atikláb abal kin lej belaʼ abal jawaʼ in exobnál jats an chubaxtaláb.
5. Etsʼey ka tejwamédhaʼ abal it kʼayaʼlidh. Wawáʼ yab i leʼ tu pejéx, jaxtám yab ki exóbchij kʼal i tsapláb an atikláb. An tsaʼataláb neʼets ti tólmiy abal yab kit tsakuy ani abal ka exlaʼ abal yabáts in tomnál ka aynanchij ti tʼilom (Prov. 17:14; Tito 3:2). Max yab ku tsakuy, walám kʼeʼat a kʼicháj neʼets kin leʼnaʼ tu ku otsʼowiy.
