KA TSAB TSAʼBIY AN ATIKLÁBCHIK
AJUMTALÁB 9
Ka tsapnanchij ka exbay jantʼiniʼ tin atsʼál an atikláb
An texto juʼtáj ti kaldhámej: «Kit junax kulbéjchik kʼal axi u kulbél ani ka yajnanchij axi u ukʼnal kʼal i tʼeʼpintaláb» (Rom. 12:15).
Jawaʼ in tʼajaʼ a Jesús
1. Ka tsuʼuw an VIDEO o ka ajiy Marcos 6:30-34. Ani talbél ka tʼajaʼ ti kwéntaj axéʼ xi konowixtalábchik:
¿Jantʼoj tu exóbchal in tʼiplabil a Jesús?
2. Tam i tsapnanchal ki exbay an atiklábchik yab expidh i olnál an alwaʼ kaw, jayej u tʼeʼpinal kʼal jawaʼ in watʼál an atiklábchik.
Ka nitsʼbiy a Jesús
3. Ka otsʼowiy jawaʼ ti uchál an atikláb. Ka jilaʼ abal an atikláb ka kawin ani yab ka tʼapchij jawaʼ in ulal. Ka otsʼowiy an atikláb belits max yab in leʼ kin otsʼowiy an alwaʼ kaw o max in leʼ ti ólchij jawaʼ in atsʼál o jun i tʼeʼpintaláb axi in kwaʼal. Max ka lej otsʼowiy an atikláb neʼets kin tʼajaʼ ti kwéntaj abal chubax it tʼeʼpinal kʼal jajáʼ.
4. Kit tsalpaxin tin kwéntaj an atikláb. Ka tʼilaʼ kʼal jawʼa it tʼilmamadh ani ka konowiy ta baʼ:
-
«¿Jantʼiniʼ ti neʼets ka tólmiyat tin ejatal xowéʼ ani al an kʼicháj axi taʼtál max kin exóbnaʼ an Biblia?».
5. Ka eyendhaʼ i olchixtaláb axi neʼets kin tólmiy an atikláb. Tam ka ejtow, ka tejwamédhanchij jantʼiniʼ neʼets ka tólmiyat kʼal an exobintaláb kʼal an Biblia, ka tokʼtsinchat an konowixtaláb axi in kwaʼal ani ka tólmiyat tin ejatal.
