¿A kulbétnaʼ jawaʼ a exóbnaʼ?
¿A léʼ ka exlaʼ jantʼoj más tu exóbchal an Biblia?
Al axéʼ xi folleto expidh a tsuʼumal wéʼ kʼal jawaʼ neʼetsej ka exóbnaʼ ban libro Kit kʼwajiy kulbél abal etsʼey. Kit tʼilmáts tin kwéntaj an Biblia abal ka exóbnaʼ.
Yab kwaʼal ka jalbiy an libro nibal neʼets kit konchat i tumín abal kit exóbchat. Neʼets ki kulbétnaʼ tu tólmiy ka exbay an Biblia ban kʼicháj ani ban hora tam tatáʼ ka ejtow.
Neʼets kit tólmiyat ka exóbnaʼ yan jantʼoj ejtíl axéʼ:
Jaleʼ tu jilnének tejéʼ tsabál
Jantʼiniʼ ki atsʼaʼ kulbél
Jantʼiniʼ kit kʼwajiy kulbél kʼal a yanél
An aychixtaláb axi tu ólchal an Biblia
Max a léʼ an libro ani a léʼ ka aynanchij ta exóbal, ka konchij jun i ólchix kʼal a Jehová o ka konoy jun i exobintaláb kʼal an Biblia ti jw.org.
Puede que también le interese
JAWA’ YAN I ATIKLÁB TU KONÓWIYAL
¿Jantʼiniʼ játs an exobchixtaláb axi in binál an ólchixchik kʼal a Jehová?
Kʼal an exobintaláb axi in binál an ólchixchik kʼal a Jehová, tatáʼ a éjtowal ka eyendhaʼ jawakits tam Biblia axi a kwaʼal, jayej a éjtowal ka kaniy a yanél o a jaʼúbchik ban exobintaláb ani yab kwaʼal ka jalbiy.
