Jawaʼ a éjtowal ka tʼajaʼ abal ka exbay alwaʼ an ajumtalábchik
Ka konoy ki tólmiyat abal ka exbay axéʼ xi publicación. A éjtowal ka konchij an atikláb axi ti pidhaʼ axéʼ xi folleto ti tólmiy ka exóbnaʼ. Jayej, a éjtowal ka konoy jun i exobintaláb kʼal an Biblia ti jw.org.
KʼAʼÁL PEJACH
Ka ajiy patal an párrafos. Waʼats i konowixtaláb axi in kwaʼal jun i número (A) ani i textos kaldhach ti Biblia axi kʼwajat mukudh tʼunuʼ (B), ban textos kʼwajat an tsálapchik axi más exbadh. Neʼets ka elaʼ yan i textos axi in ulal abal kwaʼal ka ajiyat.
TSABCHÍL PEJACH
An kʼaʼál párrafo axi kʼwajat ban pejach «Abal ka exóbnaʼ más» in olnál jantʼoj neʼets ki exóbnaʼ tin aytal (C). An kaw axi in kwaʼal jun i número in olnál an tsálapchik axi más exbadh (D). Ka ajiy an textos axi ti Biblia, ka tókʼtsiy an konowixtalábchik ani ka tsuʼuw an videos (E).
Ka tsuʼuw an imágenes ani ka ajiy an kaw axi kʼwajat tanáʼ (F), ani ka tsalpay jantʼoj neʼets ka tókʼtsiy ban pejach «Jawaʼ talchik in tsálpayal» (G).
OXCHÍL PEJACH
Tin taltal an ajumtaláb waʼats tsab i pejach axi in bij, «Jawaʼ i exobnámal» ani «Ki tʼilaʼ jawaʼ i exóbnaʼ» (H). Talbél, ka dhuchaʼ jaykʼiʼ ta talabédhaʼ an exobintaláb. An pejach «Jawaʼ a éjtowalej ka tʼajaʼ» neʼets ti tólmiy abal ka áynanchij ka exóbnaʼ más tin kwéntaj an Biblia (I). Ban pejach «ka exóbnaʼ jantʼoj ít» neʼets ka elaʼ más i publicaciones ani i videos axi neʼets ka lej kulbétnaʼ (J).
Jantʼiniʼ ka elaʼ an textos ban Biblia
Antsanáʼ ti neʼets ka elaʼ an textos axi ti Biblia, kʼwajat in bij an libro (A), an capítulo (B), ani talbél an versículo (C). Jun i tʼiplab, Juan 17:3 in léʼ kin uluw «an libro axi in dhuchaʼ a Juan, capítulo 17, versículo 3».
Puede que también le interese
JAWA’ YAN I ATIKLÁB TU KONÓWIYAL
¿Jantʼiniʼ játs an exobchixtaláb axi in binál an ólchixchik kʼal a Jehová?
Kʼal an exobintaláb axi in binál an ólchixchik kʼal a Jehová, tatáʼ a éjtowal ka eyendhaʼ jawakits tam Biblia axi a kwaʼal, jayej a éjtowal ka kaniy a yanél o a jaʼúbchik ban exobintaláb ani yab kwaʼal ka jalbiy.
