AJUMTALÁB 06
¿Jantʼiniʼ ti tujey ka waʼtsin i ejataláb?
«Tatáʼ [Dios] játs axi a binál i ejataláb» (Salmo 36:9). ¿A belál axéʼ? Talchik in tsálpayal abal yab jitaʼ tu tsʼejkaʼ, abal antsanákʼij ti tujey patal. Tam, max yab jitaʼ tu tsʼejkaʼ, lej alkʼidhits tu kʼwajat tejéʼ. Pero max pel a Jehová axi tu jilámal ku kʼwajiy tejéʼ, Jajáʼ in exlál jantʼoj in kwaʼal tsalpadh abal wawáʼ. a Ka ajiy ti Biblia jantʼiniʼ ti tujey an ejataláb ani neʼets ka tʼajaʼ ti kwéntaj jaleʼ i éjtowal ki belaʼ nixeʼ.
1. ¿Jantʼiniʼ ti tujey patal jawaʼ waʼats?
An Biblia in ulal: «Tin tujtal, a Dios in tsʼejkaʼ an kʼaylál ani an tsabál» (Génesis 1:1). Yan i atikláb axi in exobnál tin kwéntaj an kʼaylál in belál abal patal jawaʼ waʼats in koʼoy in tujtal. ¿Jantʼiniʼ tin tsʼejkaʼ a Dios patal jawaʼ waʼats? In eyendhaʼ «in tsap»—an espíritu santo—, abal kin tsʼejkaʼ i galaxias, i ót, i planetas ani yan jantʼoj más (Génesis 1:2).
2. ¿Jaleʼ ti a Dios in tsʼejkaʼ an tsabál?
A Jehová «yab alkʼidh tin tsʼejkaʼ an tsabál, in tsʼejkaʼ abal ka kʼwajiy an atiklábchik» (Isaías 45:18). Jajáʼ in tsʼejkaʼ an tsabál alabél ani kʼal patal jawaʼ i yéjenchal abal wawáʼ ki ejtow ku kʼwajiy tejéʼ (ka ajiy Isaías 40:28 ani 42:5). An atiklábchik axi in exobnál tin kwéntaj an kʼaylál in ulal abal expidh an tsabál játs axi kʼwajat alwaʼ tsʼejkadh abal ki ejtow ku kʼwajiy.
3. ¿Jaleʼ ti lej pílits an atiklábchik kʼal an koʼnél?
Talbél tin tsʼejkámal an tsabál, a Jehová in tsʼejkaʼ patal jawaʼ waʼats tejéʼ. Okʼox in tsʼejkaʼ an téʼlom ani an koʼnélchik. Talbél, «in tsʼejkaʼ an inik jantʼiniʼ Jajáʼ in ey» (ka ajiy Génesis 1:27). Tam, ¿jaleʼ ti lej pílits an atikláb? Kom a Jehová tu tsʼejkaʼ jantʼiniʼ Jajáʼ in ey, jaxtám i éjtowal ki atsʼaʼ i kʼanidhomtaláb ani ki pojkaʼ jawaʼ kidháb. Jayej i éjtowal ki exóbnaʼ kʼeʼat i kawintaláb, ki kulbétnaʼ jawaʼ in tsʼejkámal a Jehová ani ku kʼijidhbéj kʼal an son. Ani expidh wawaʼ i éjtowal ki kʼakʼnaʼ a Jehová, an koʼnél yab in éjtowal.
ABAL KA EXÓBNAʼ MÁS
Tejéʼ neʼets ki exóbnaʼ jaleʼ i belál abal a Dios in tsʼejkaʼ ti júnchik patal jawaʼ in kwaʼal i ejataláb, ani jaleʼ i belál abal patal tsʼejkáj antsanáʼ jantʼiniʼ in ulal an Biblia. Jayej neʼets ki exóbnaʼ abal an atiklábchik in tejwamedhál jantʼiniʼ játs in ey a Jehová.
4. Patal jawaʼ ejat kʼalej tsʼejkadh kʼal jitaʼ
Yan i atikláb in tʼipoyal kin tsʼejkaʼ jawaʼ a Dios in tsʼejkámalits ani u kʼakʼnancháb in tʼojlábil. Pero, ¿yab aníts abal a Dios más in tomnál ka kʼákʼnanchat? Ka tsuʼuwchik an VIDEO ani ka tʼilaʼchik jawaʼ a tsuʼuw:
-
¿Jantʼoj in tʼipoyámal an atiklábchik kin tsʼejkaʼ?
Tam ki tsuʼuw jun i atáj i exlál abal waʼats jun i atikláb tsalpadh axi in tsʼejkaʼ. Pero ¿jitaʼ in koʼoy an tsalpadhtaláb abal kin tsʼejkaʼ patal jawaʼ in kwaʼal i ejataláb? Ka ajiychik Hebreos 3:4 ani ka tsálpaychik kʼal axéʼ:
-
¿Jantʼoj játs axi más a jikʼpál kʼal patal jawaʼ in tsʼejkámal a Dios?
-
¿Jaleʼ in tomnál ki belaʼ abal waʼats jitaʼ axi in tsalpay jantʼiniʼ kin tsʼejkaʼ patal jawaʼ waʼats ti kʼaylál?
¿A exlalak?
Neʼets ka elaʼ más i olchixtaláb ani i videos tin kwéntaj axéʼ ti jw.org. Ka aliy ban pejach «¿Waʼtsin jitaʼ axi in tsʼejkaʼ?» ani «Jawaʼ talchik in tsálpayal abal jantʼiniʼ ti tujey an ejataláb».
«Patal an atájchik pel in tsʼejkábil i inik ani patal jawaʼ waʼats ti éb ani ti tsabál pel in tsʼejkábil a Dios»
5. I éjtowal ki belaʼ abal an ejataláb tujey antsanáʼ jantʼiniʼ in ulal an Biblia
Ti Génesis capítulo 1, an Biblia in ulal abal a Jehová in tsʼejkaʼ an tsabál ani patal an ejataláb axi waʼats tejéʼ. ¿Walám chubax jawaʼ in ulal an Biblia o expidh pel i tʼilab? Ka tsuʼuwchik an VIDEO ani ka tʼilaʼchik jawaʼ a tsuʼuw:
-
¿In olnál an Biblia abal an tsabál ani an ejataláb tsʼejkáj al akak a kʼicháj?
-
¿Jaleʼ a belál abal an ejataláb tujey antsanáʼ jantʼiniʼ in ulal an Biblia?
Ka ajiychik Génesis 1:1 ani ka tsálpaychik kʼal axéʼ:
-
An científicos in tsálpayal abal an tsabál in koʼoy in tujtal. ¿Walám jayetsej in olnál an Biblia?
Talchik i atikláb in tsálpayal abal a Dios in tsʼejkaʼ júnkats i koʼnél ani tanáʼ ti kalej patal axi más. Ka ajiychik Génesis 1:21, 25, 27 ani ka tsálpaychik kʼal axéʼ:
-
¿Tu exóbchal an Biblia abal a Dios in tsʼejkaʼ júnkats i koʼnél ani tanáʼ ti kalej patal axi más, ejtíl an tóʼol ani ma an atiklábchik?, o ¿in tsʼejkaʼ patal an koʼnél ti «júnchik»?
6. Kʼal patal jawaʼ in tsʼejkámal a Dios, an atiklábchik lej pílits jantʼiniʼ ti tsʼejkadh
Wawáʼ yab ejtíl an koʼnél. Ka ajiychik Génesis 1:26 ani ka tsálpaychik kʼal axéʼ:
-
Kom a Jehová tu tsʼejkaʼ ejtíl Jajáʼ in ey, jaxtám i éjtowal ki tejwamédhaʼ i kʼanidhomtaláb ani ki yájnanchij axi kʼeʼatchik. Tam, ¿jantʼiniʼ a tsálpayal abal játs in ey a Jehová?
JAWAʼ TALCHIK IN TSÁLPAYAL: «Jawaʼ in ulal an Biblia pel i alkʼidh tʼilab».
-
¿Jantʼoj a tsálpayal tatáʼ? ¿Jaleʼ a tsálpayal antsanáʼ?
JAWAʼ I EXOBNÁMAL
A Jehová in tsʼejkaʼ an kʼaylál ani an ejataláb.
Ki tʼilaʼ jawaʼ i exóbnaʼ
-
¿Jantʼiniʼ in ulal an Biblia abal tujey an kʼaylál?
-
¿In tsʼejkaʼ a Dios júnkats i koʼnél abal tanaʼ ka kalej patal axi más?, o ¿in tsʼejkaʼ patal an koʼnél ti júnchik?
-
¿Jaleʼ ti an atiklábchik lej pílits ti tsʼejkadh?
KA EXÓBNAʼ JANTʼOJ ÍT
Ki tʼajaʼ ti kwéntaj patal jawaʼ waʼats ani neʼets ki exbay abal waʼtsin jitaʼ axi in tsʼejkaʼ.
«¿Jantʼoj i exobnál kʼal jawaʼ kʼwajat tsʼejkadh?» (¡Despertad!, septiembre 2006)
Ki tsuʼuw jantʼiniʼ jun i tataláb in exóbchal in tsakámil abal a Dios in tsʼejkaʼ patal jawaʼ waʼats.
Ka exóbnaʼ max jawaʼ u uluwáb tin kwéntaj an evolución jayetsej jawaʼ in olnál an Biblia.
«¿In tsʼejkaʼ a Dios júnkats i koʼnél abal tanaʼ ka waʼtsin patal axi más?» (Artículo axi ti jw.org)
Ka tsalpay max jawaʼ in elamal an atikláb axi exoblamadh in tejwamedhál abal waʼats jun i tsʼejkom o antsanákʼij tu waʼtsin.
Boʼ i konowixtaláb axi alwaʼ ki tókʼtsiy abal ki exlaʼ jantʼiniʼ ti tujey an ejataláb (folleto)
a An ajumtaláb 25 in olnál jawaʼ tam tsalap in kwaʼal a Dios abal an atiklábchik.
Puede que también le interese
JAWA’ YAN I ATIKLÁB TU KONÓWIYAL
¿Jantʼiniʼ játs an exobchixtaláb axi in binál an ólchixchik kʼal a Jehová?
Kʼal an exobintaláb axi in binál an ólchixchik kʼal a Jehová, tatáʼ a éjtowal ka eyendhaʼ jawakits tam Biblia axi a kwaʼal, jayej a éjtowal ka kaniy a yanél o a jaʼúbchik ban exobintaláb ani yab kwaʼal ka jalbiy.
