AJUMTALÁB 27
¿Jaleʼ ti ulal abal a Jesús tu kʼaniyal?
A Adán ani a Eva in jekʼomnaʼ a Dios. Jaxtám wawáʼ u wálbidh, i yajchiknál ani u tsemel. a Pero waʼats jun i aychixtaláb. A Jehová in eyendhámal in tsakámil abal tu ku kʼaniy kʼal an walabtaláb ani an tsemláj. An Biblia in ulal abal a Jesús in bínaʼits jun i jalbixtaláb. Tam jun i atikláb u koʼoyáb wikʼat, u yejencháb jun i jalbixtaláb abal ka walkáj. Játs jawaʼ in tʼajaʼ a Jesús, in bínaʼ in ejatal jantʼiniʼ i jalbixtaláb (ka ajiy Mateo 20:28). A Jesús in éjtowalakits ka kʼwajiy tejéʼ ti Tsabál abal etsʼey, pero jajáʼ in léʼnaʼ kin bínaʼ in ejatal. Antsanáʼ in tʼajaʼ abal ki koʼoy junílekʼij an aychixtaláb axi in kʼibaʼ a Adán ani a Eva. Jayej tu tejwamédhanchij an kʼanidhomtaláb axi tu koʼonchal jajáʼ ani a Jehová. Axéʼ xi ajumtaláb neʼets ti tólmiy ka kʼakʼnaʼ más, kom a Jesús in léʼnaʼ kin bínaʼ in ejatal.
1. ¿Jantʼoj tam alwataláb i bátsʼuwal kom a Jesús in bínaʼ in ejatal?
Kom u wálbidh, junchikíl i tʼajál jantʼoj axi a Jehová yab in kulbetnál ani u wálbinal. Pero i éjtowal ki bajuw ti jaʼúb a Jehová, max ki konchij tu ku pákwlanchij tin bij a Jesús ani ki tsápnanchij ki tʼajaʼ jawaʼ tekedh. Jayej, max yabáts ku wichiy ki tʼajaʼ nixéʼ xi kidháb tʼajbiláb (1 Juan 2:1). An Biblia in ulal: «A Cristo putat in yajchiknaʼ jun kalat, tam ti tsemdháj […] ti kalchixtaláb kʼal i wálab abal tu ku uldhaʼ kʼal a Dios» (1 Pedro 3:18).
2. ¿Jantʼoj tam alwataláb neʼets ki batsʼuw axi taʼtal a kʼicháj kom a Jesús in bínaʼ in ejatal?
A Jehová in abaʼ a Jesús abal kin bínaʼ in ejatal abal kʼal wawáʼ «abal patal jitaʼ kin koʼoy i belomtaláb yab ka tsemets, abal kin koʼoy i ejataláb abal etsʼey» (Juan 3:16). Kom a Jesús in bínaʼits in ejatal, a Jehová wéʼits neʼets kin tixkʼaʼ patal an yajchiktaláb axi tu jilchij a Adán. Tam, max ki tejwamédhaʼ i belomtaláb kʼal jawaʼ in tʼajámal a Jesús, neʼets ki ejtow ku kʼwajiy abal etsʼey tejéʼ ban Tsabál, tam a Jehová kin wenkʼow ti jun i paraíso (Isaías 65:21-23).
ABAL KA EXÓBNAʼ MÁS
Neʼets ki exbay más alwaʼ jaleʼ ti a Jesús in bínaʼ in ejatal ani jawaʼ tam alwataláb i bátsʼuwal wawáʼ.
3. A Jesús in bínaʼ in ejatal abal tu ku kʼaniy kʼal an walabtaláb ani an tsemláj
Ka tsuʼuwchik an VIDEO, ani ka tʼilaʼchik jawaʼ a tsuʼuw:
-
¿Jantʼoj in kʼibaʼ a Adán tam ti wálbin?
Ka ajiychik Romanos 5:12 ani ka tsálpaychik kʼal axéʼ:
-
¿Jantʼiniʼ tu odhnál jawaʼ in tʼajaʼ a Adán?
Ka ajiychik Juan 3:16 ani ka tsálpaychik kʼal axéʼ:
-
¿Jaleʼ ti a Jehová in abaʼ in tsakámil tejeʼ Tsabál?
-
A Adán pelak jun i inik axi tʼokat, pero tam ti wálbin, in watʼbanchij in tsákamil an walabtaláb ani an tsemláj.
-
A Jesús pelak jun i inik axi tʼokat, ani kom jajáʼ in belkaʼ a Dios, neʼets kin tʼajaʼ abal patal an atikláb ka tʼokej in ejatal ani ka kʼwajiy abal etsʼey.
4. Patal i bátsʼuwal i alwataláb kom a Jesús in bínaʼ in ejatal
Ka tsuʼuwchik an VIDEO, ani ka tʼilaʼchik jawaʼ a tsuʼuw:
-
¿Jantʼiniʼ in éjtowal junkats i inik kin kʼaniy patal an atikláb?
Ka ajiychik 1 Timoteo 2:5, 6 ani ka tsálpaychik kʼal axéʼ:
-
A Adán pelak jun i inik tʼokat, pero tam ti wálbin in watʼbanchij patal in tsakámil an walabtaláb ani an tsemláj. A Jesús jayej pelak jun i inik tʼokat. Tam, ¿jantʼoj in bajuw jajáʼ tam ti in bínaʼ in ejatal?
5. A Jehová in bínaʼ in tsakámil abal kʼal tatáʼ
In jaʼúbchik a Jehová in lej kʼakʼnál kom a Jesús in bínaʼ in ejatal, ani in tsúʼtalchik jantʼiniʼ jun i tsʼejwalixtaláb abal jajáʼ. Abal ka tsuʼuwchik jun i tʼiplab ka ajiychik Gálatas 2:20, ani ka tsálpaychik kʼal axéʼ:
-
¿Jantʼiniʼ in tejwamédhaʼ an abatwálej Pablo abal in lej belálak abal a Jesús in bínaʼ in ejatal abal kʼal jajáʼ?
Tam ti a Adán wálbin, in watʼbanchij patal in tsakámil an walabtaláb ani an tsemláj. Pero a Jehová in abaʼ in tsakámil kin bínaʼ in ejatal, abal wawáʼ ki ejtow ku kʼwajiy abal etsʼey.
Biyat a ajiyal axéʼ xi versículos, ka tsalpay jantʼiniʼ in atsʼálak a Jehováʼ tam ti in tsuʼuw abal in tsakámil kʼwajatak in yajchiknál. Ka ajiychik Juan 19:1-7 ani 16-18, ani ka tsálpaychik kʼal axéʼ:
-
¿Jantʼoj a atsʼál tam ka tsalpay kʼal patal jawaʼ a Jehová ani a Jesús in tʼajámal abal kʼal tatáʼ?
JAWAʼ TALCHIK WALÁM TI KONOY: «¿Walám in éjtowal junkats i inik kin kʼaniy patal an atikláb?».
-
¿Jantʼoj neʼets ka tókʼtsinchij?
JAWAʼ I EXOBNÁMAL
A Jehová in éjtowal tu ku pákwlanchij i wálab ani tu ku pidhaʼ an aychixtaláb abal ku kʼwajiy abal etsʼey, kom a Jesús in bínaʼits in ejatal.
Ki tʼilaʼ jawaʼ i exóbnaʼ
-
¿Jaleʼ ti tsemets a Jesús?
-
¿Jantʼoj in bajuw kin tʼajaʼ a Jesús kom in bínaʼ in ejatal?
-
¿Jantʼoj tam alwataláb a bátsʼuwal tatáʼ, kom a Jesús in bínaʼ in ejatal?
KA EXÓBNAʼ JANTʼOJ ÍT
Ka exóbnaʼ jaleʼ ti a Jesús in éjtowalak tu ku kʼaniy.
«¿Jantʼoj in léʼ kin uluw abal a Jesús tu kʼaniyamal?» (Artículo axi ti jw.org)
Ka exóbnaʼ jantʼoj kwaʼal ki tʼajaʼ abal ki kʼaniy i ejatal.
«¿Jantʼiniʼ tu kʼaniyal in tsémtal a Jesús?» (Artículo axi ti jw.org)
¿In pakwlál a Jehová an walabtaláb axi lej kidháb?
«Konowixtaláb tin kwéntaj an Biblia» (La Atalaya, 1 de mayo de 2013)
Tam ti jun i inik in exbay jantʼiniʼ tu tólmiyal in tsemtal a Cristo, in ejtow kin jalkʼuy jantʼiniʼ in ey. Ka ajiy jawaʼ in watʼaʼ.
«Yabáts u jilál abal an pojkaxtaláb ti kin abatnanchij u ejatal» (Artículo axi ti jw.org
a Bélits max yab ki tʼajaʼ jantʼoj lej kidháb, patal u wálbinal. An walabtaláb pel jantʼoj axi i kitkimits ma tu waʼtsin, kom játs axi tu jilchij a Adán ani a Eva.