AJUMTALÁB 48
Ka tsalpay alwaʼ jitaʼ neʼets ka tʼajaʼ ta jaʼúb
Max i kwaʼal i jaʼúb axi tu kʼanidhál, neʼets ki atsʼaʼ más u kulbél ani yab neʼets tu ku lej ataʼ an kʼibataláb. Pero kwaʼal ki lej tʼajaʼ ti kwéntaj, kom an Biblia in ulal abal yab i éjtowal ki jaʼúbnaʼ jitakits. Tam, ¿jantʼoj a éjtowal ka tʼajaʼ abal ka elaʼ jitaʼ ka jaʼúbnaʼ? Ka tsalpay kʼal axéʼchik xi konowixtaláb.
1. ¿Jantʼiniʼ in éjtowal ti tólmiy a jaʼúbchik?
Bélits max yab ki tʼajaʼ ti kwéntaj, i nítsʼbiyal jitaʼchik más i júnkuwal. Jaxtám kwaʼal ki tʼajaʼ ti kwéntaj jitaʼ i júnkuwal ani jitaʼ i tʼilmayal ti Internet. An Biblia in ulal: «Axi kʼwajat ti xeʼtsinál kʼal i atikláb axi tsalpadh, neʼets ka tsalpadhméj, pero axi in júnkuwal i atikláb axi yab tsalpadh [axi yab in kʼanidhál a Jehová] yab neʼets ka kʼalej alwaʼ» (Proverbios 13:20). A jaʼúbchik axi in kʼanidhál a Jehová, neʼets ti tólmiy abal kit utey kʼal Jajáʼ ani ka tʼajaʼ jawaʼ tekedh. Pero, max ka lej junkuw i atikláb axi yab in kʼakʼnál a Jehová, neʼets kit owméj kʼal Jajáʼ. Jaxtám an Biblia tu ólchal abal ki takuy lej alwaʼ jitaʼ i júnkuwal. Max i jaʼúbchik jayej in kʼanidhál a Jehová, neʼets ki ejtow ku tolmíxin. Ani ma i ejtowal ki tʼajaʼ axéʼ: «Ki kulbédhanchij ani ki tsáplinchij in ichích axi kʼeʼat» (1 Tesalonicenses 5:11).
2. ¿Walám in tʼajál ti kwéntaj a Jehová jitaʼ i jaʼubnál?
A Jehová in lej tʼajál ti kwéntaj jitaʼ neʼets kin batsʼuw jantʼiniʼ in jaʼúb. In lej kulbetnál, «kin junkuw jitaʼchik in tʼajál jawaʼ tekedh» (Proverbios 3:32). ¿Jantʼiniʼ neʼets kin atsʼaʼ a Jehová max ki junkuw i atikláb kʼal axi yab u kʼanidháb? ¡Neʼets ka lej tʼeʼpin! (Ka ajiy Santiago 4:4). Max ki junkuw jitaʼchik in kʼanidhál a Jehová, Jajáʼ neʼets ka lej kulbéj ani neʼets kin léʼnaʼ tu ku jaʼúbnaʼ (Salmo 15:1-4).
ABAL KA EXÓBNAʼ MÁS
Ka exóbnaʼ jaleʼ ti lej exbadh ka takuy alwaʼ jitaʼ neʼets ka jaʼúbnaʼ ani jantʼoj a éjtowal ka tʼajaʼ abal ka elaʼ a jaʼúb axi ti tólmiy.
3. Ka lej tʼajaʼ ti kwéntaj jitaʼ a jaʼubnál
Yab in tomnál ki jaʼúbnaʼ jitaʼchik yab in kʼanidhál a Jehová nibal in tʼajál jawaʼ Jajáʼ tu konchal. Ka tsuʼuwchik an VIDEO ani ka tʼilaʼchik jawaʼ a tsuʼuw:
-
Max yab ki tʼajaʼ ti kwéntaj, ¿jantʼiniʼ awil ku tujey ki jaʼúbnaʼ i atikláb axi yab in tomnál?
Ka ajiychik 1 Corintios 15:33 ani ka tsálpaychik kʼal axéʼ:
-
¿Jitaʼ a tsálpayal tatáʼ abal yab in tomnál ka junkuw? ¿Jaleʼ?
Ka ajiychik Salmo 119:63 ani ka tsálpaychik kʼal axéʼ:
-
¿Jantʼoj kwaʼal ka tʼajaʼ ti kwéntaj kʼal jun i atikláb abal ka ejtow ka jaʼúbnaʼ?
4. I éjtowal ki jaʼúbnaʼ i atiklábchik axi lej pilits in ey kʼal wawáʼ
An Biblia u kaw tin kwéntaj tsab i inik axi kʼwajiy ti Israel; a David ani a Jonatán. Jajáʼchik u neʼdháxak lej alwaʼ, bélits abal yab júnatak in tamúbil, nibal in ey. Ka ajiychik 1 Samuel 18:1 ani ka tsálpaychik kʼal axéʼ:
-
¿Jaleʼ ti yab in tomnál expidh ki junkuw jitaʼ in kwaʼal i tamúbil o in kwaʼal i tumín?
Ka ajiychik Romanos 1:11, 12 ani ka tsálpaychik kʼal axéʼ:
-
¿Jantʼiniʼ u tolmíx jitaʼchik in kʼanidhál a Jehová?
¿Jantʼiniʼ in elaʼ in jaʼúb jun i kwitól? Ka tsuʼuwchik an VIDEO ani ka tʼilaʼchik jawaʼ a tsuʼuw:
-
¿Jaleʼ ti a Akil yab u leʼnanchábak kʼal in tátajchik, kin lej junkuw an tsákamchik axi ti escuela?
-
¿Jaleʼ ti a Akil in léʼak kin junkuw an tsákamchik axi ti escuela?
-
¿Jantʼoj in tʼajaʼ abal kin elaʼ in alwaʼ jaʼúb?
5. Jantʼiniʼ neʼets ki elaʼ i jaʼúb axi tu ku tólmiy
Ka exóbnaʼ jantʼoj a éjtowal ka tʼajaʼ abal axi kʼeʼatchik kin léʼnaʼ ti jaʼúbnaʼ ani tatáʼ jayej ka elaʼ i alwaʼ jaʼúb. Ka tsuʼuwchik an VIDEO.
Ka ajiychik Proverbios 18:24 ani 27:17 ani ka tsálpaychik kʼal axéʼ:
-
¿Jantʼiniʼ a éjtowal ki tolmíxin kʼal a jaʼúbchik?
-
¿A kwaʼal a jaʼúb ejtíl axi u olnáb al axéʼ xi textos? Max yabayej a kwaʼal, ¿jantʼoj a éjtowal ka tʼajaʼ?
Ka ajiychik Filipenses 2:4 ani ka tsálpaychik kʼal axéʼ:
-
Abal ki elaʼ i jaʼúb axi tu ku tólmiy, wawáʼ jayej kwaʼal ki tólmiy i jaʼúb. ¿Jantʼoj a éjtowal ka tʼajaʼ?
JAWAʼ TALCHIK IN TSÁLPAYAL: «U júnkuwal jitákits kom yab u léʼ kin xeʼtsin kwetém».
-
¿Jantʼoj a tsálpayal tatáʼ?
JAWAʼ I EXOBNÁMAL
Tam i tákuyal alwaʼ i jaʼúb, u kʼwajíl más alwaʼ ani i kulbedhál a Jehová.
Ki tʼilaʼ jawaʼ i exóbnaʼ
-
¿Jaleʼ a Jehová in tʼajál ti kwéntaj jitaʼ i jaʼubnál wawáʼ?
-
¿Jitaʼchik yab in tomnál ki junkuw?
-
¿Jantʼiniʼ a éjtowal ka elaʼ a alwaʼ jaʼúb?
KA EXÓBNAʼ JANTʼOJ ÍT
Ka tsuʼuw jantʼiniʼ in éjtowal tu ku tólmiy i jaʼúbchik, tam i tametnál i kʼibataláb.
Ka exóbnaʼ jantʼoj a éjtowal ka tʼajaʼ abal ka koʼoy i alwaʼ jaʼúb.
¿Jantʼoj kwaʼal ka tʼajaʼ ti kwéntaj kʼal jitaʼchik a tʼilmayal ti Internet?
Ka ajiy an biografía «U léʼak ku koʼoy jun u papá» ani ka tʼajaʼ ti kwéntaj jaleʼ jun i inik in aliy kʼeʼat in jaʼúb.
«Tólmiyatchik kʼal an Biblia abal kin jalkʼuy in ejatal» (La Atalaya, 1 de abril de 2012)