AJUMTALÁB 59
Neʼets ka ejtow ka kuxuy max kit tomolnáj
Patal jitaʼ in léʼ kin tʼajaʼ ti ólchix kʼal a Jehová neʼets ka tomolnáj ani ka ayoknáj. ¿In tomnál ku jikʼey?
1. ¿Jaleʼ ti yab i jikʼpál ku ayoknáj?
An Biblia in ulal abal «jitaʼchik in léʼ kin tʼajaʼ in kulbétal a Dios junax kʼal a Cristo Jesús, jayej neʼets ka odhnáj» (2 Timoteo 3:12). A Jesús ayoknáj kom yab in tʼajálak jawaʼ in tʼajál axéʼ xi xeʼtsintaláb. Wawáʼ jayej u ayoknáb kʼal an eyalchik ani kʼal jitaʼchik in okʼnál jun i belomtaláb, kom yab i tʼajál jawaʼ jajáʼchik in ujnám (Juan 15:18, 19).
2. ¿Jantʼiniʼ i éjtowal ku tʼojojon abal tam ku ayoknáj?
Xowéʼits tin tomnál ki tsapikmédhaʼ i bélomtal kʼal a Jehová. ¿Jantʼiniʼ ti éjtowal ki tʼajaʼ? Lej exbadh abal chudhél chudhél ki ólonchij a Jehová ani ki ajiy an Biblia, jayej lej exbadh ku kʼalej ti tamkuntaláb. Axéʼ neʼets ti tólmiy abal ka ejtow ka kuxuy, max a yanél o a jaʼúb ti kʼanchij ka kʼakʼnaʼ a Jehová. An abatwálej Pablo etsʼey ayoknáj, jajáʼ in dhuchaʼ axéʼ: «Jaʼits a Dios axi etsʼey tin tólmiyal. Jantʼokitskʼij kin tʼajchin kʼal an inik, yab neʼets kin jikʼey» (Hebreos 13:6).
Jayej, max yab ki jilaʼ tu ólnom, neʼets tu ku tólmiy abal ki tejwamédhaʼ i iniktaláb. An olnomtaláb tu tólmiyal ki belaʼ más kʼal a Jehová, ani abal yab ki tsʼejnaʼ an atiklábchik (Proverbios 29:25). Jayej max ku tʼojojon ma xowéʼ, neʼets ki ejtow ki áynanchij tu olnom bélits max an eyalchik tu ku kʼanchij ki tʼajaʼ (1 Tesalonicenses 2:2).
3. ¿Jantʼiniʼ neʼets tu ku tólmiy max ki kuxuy tam ku ayoknáj?
Yab jitaʼ in kulbetnál ka ayoknáj, pero nixéʼ tu tólmiyal abal ka tsapikméj i bélomtal. Jayej i atsʼál más utat kʼal a Jehová kom i tʼajál ti kwéntaj abal játs Jajáʼ, axi tu pidhál an tsapláb abal ki kuxuy (ka ajiy Santiago 1:2-4). A Jehová in lej yajnál kin tsuʼuw abal i lej yajchiknál, pero jayej u lej kulbél kin tsuʼuw abal i kúxuyal jawaʼ ku tʼajchin. An Biblia in ulal: «Max a tʼajálchik alwaʼ ani játs tit odhnáb, ani a kúxuyal kʼal i kʼayaʼtaláb ta ichích, a Dios u lej kulbél kʼal tatáʼ» (1 Pedro 2:20). A Jehová in ulumal abal neʼets kin pidhaʼ i ejataláb abal etsʼey ban alabél Tsabál, patal jitaʼ kin kuxuy ani ka kʼwajiy putudh. Tanáʼ yabáts neʼets ka waʼtsin jitaʼ kʼal axi ka kʼanchin kin kʼakʼnaʼ a Jehová (Mateo 24:13).
ABAL KA EXÓBNAʼ MÁS
Ki tsuʼuw abal i éjtowal ku kʼwajiy putudh kʼal a Jehová, bélits max ku ayoknáj. Jayej ki tsuʼuw abal a Jehová in ulumal abal max ki kuxuy, neʼets tu ku lej labliy.
4. Tatáʼ neʼets ka ejtow ka kuxuy max a yanél ti tomólnaʼ
A Jesús in uluw abal in aykolil neʼetsak ka tomolnáj kʼal in yanél. Ka ajiychik Mateo 10:34-36 ani ka tsálpaychik kʼal axéʼ:
-
¿Jantʼoj awil ka uchan jun i atikláb, tam kin ólchij in yanél abal in léʼ kin kʼakʼnaʼ a Jehová?
Abal ka exlaʼ talchik i atikláb axi in watʼamal axéʼ xi kʼibataláb, ka tsuʼuwchik an VIDEO ani ka tʼilaʼchik jawaʼ a tsuʼuw:
-
¿Jantʼoj neʼets ka tʼajaʼ max jun a yanél o jun a jaʼúb, ti kʼanchij ka tʼojonchij a Jehová?
Ka ajiychik Salmo 27:10 ani Marcos 10:29, 30. Talbél ta ajiyamal ti junchik axéʼ xi textos ka tsálpaychik kʼal axéʼ:
-
¿Jantʼiniʼ neʼets ti tólmiy axéʼ xi texto abal ka kuxuy, tam a yanél o a jaʼúb ti kʼanchij ka tʼojonchij a Jehová?
5. Yab ki jilaʼ ki tʼojonchij a Jehová bélits max u ayoknáb
Yab ku jikʼey bélits max u kʼanchinal ki tʼojonchij a Jehová. Ka tsuʼuwchik an VIDEO ani ka tʼilaʼchik jawaʼ a tsuʼuw:
-
¿Jawaʼ tam pejach axi ban video ti tólmiyal, abal ka koʼoy i tsapláb ani ka áynanchij ka tejwamédhaʼ i iniktaláb?
Ka ajiychik Hechos 5:27-29 ani Hebreos 10:24, 25. Talbél ta ajiyamal ti junchik axéʼ xi textos ka tsálpaychik kʼal axéʼ:
-
¿Jaleʼ ti lej exbadh ki áynanchij ki kʼakʼnaʼ an Jehová, bélits max an eyal tu ku kʼanchij ku tamkun ani ku olnomáts?
6. A Jehová neʼets ti tólmiy abal ka kuxuy
Tin puwél an Tsabál, yan i epchal axi pilchik in tamúbil in aynanchámal putudh kʼal a Jehová, bélits abal ayoknámej. Abal ka exlaʼchik jantʼiniʼ in ejtow kin kuxuy, ka tsuʼuwchik an VIDEO. Talbél ka tʼilaʼchik jawaʼ a tsuʼuw:
-
¿Kʼal jantʼoj ti tólmiyat an epchalchik abal kin ejtow kin kuxuy tam ti ayoknáj?
Ka ajiychik Romanos 8:35 ani 37-39 ani jayej Filipenses 4:13. Talbél ta ajiyamal ti junchik axéʼ xi textos ka tsálpaychik kʼal axéʼ:
-
¿Jantʼiniʼ ti tólmiyal axéʼ xi textos, abal ka belaʼ abal neʼets ka ejtow ka kuxuy jawakits tam kʼibataláb?
Ka ajiychik Mateo 5:10-12 ani ka tsálpaychik kʼal axéʼ:
-
¿Jaleʼ a éjtowal ka atsʼaʼ kulbél bélits max it ayoknáb?
Lej yan i epchal in ejtow kin kuxuy tam ti ayoknáj. ¡Tatáʼ jayej a éjtowal ka kuxuy!
JAWAʼ TALCHIK IN TSÁLPAYAL: «Nanáʼ yab neʼets ku ejtow ku kuxuy max kin ayoknáj».
-
¿Kʼal jawaʼ tam textos neʼets ka tólmiyat jitaʼchik in tsálpayal antsanáʼ?
JAWAʼ I EXOBNÁMAL
A Jehová in lej kʼakʼnál kin tsuʼuw abal i tsápnanchal ki tʼojonchij, bélits abal u ayoknáb. ¡I lej belál abal Jajáʼ neʼets tu ku tólmiy abal ki kuxuy!
Ki tʼilaʼ jawaʼ i exóbnaʼ
-
¿Jaleʼ yab i jikʼpál ki exlaʼ abal an epchalchik u ayoknáb?
-
¿Jantʼiniʼ a éjtowal kit tʼojojon abal max jun a kʼicháj kit ayoknáj?
-
¿Jaleʼ a lej belál abal neʼets ka ejtow ka áynanchij ka tʼojonchij a Jehová, bélits max ka tamétnaʼ i kʼibataláb?
KA EXÓBNAʼ JANTʼOJ ÍT
Ka tsuʼuw jantʼiniʼ ti tólmiyat jun i epchal kʼal a Jehová, tam ti kʼwajiy ti wíkʼaxteʼ.
Ki tsuʼuw kʼal jantʼoj ti tólmiyat jun i tomkinél abal kin áynanchij kin tʼojonchij a Jehová, bélits abal ayoknáj kʼal an eyalchik yan i támub.
I tʼojonchij a Jehová bélits abal waʼtsin yan i kʼibataláb (7:14)
Ka exóbnaʼ jantʼiniʼ a éjtowal ka kuxuy tam kit ayoknáj.
«Ku kʼwajiy tʼojojodh abal tam kin leʼnaʼchik tu ku odhnaʼ» (La Atalaya, julio de 2019)
¿Jantʼoj in éjtowal kin tʼajaʼ i yanél, abal ki jilaʼ ki tʼojonchij a Jehová? ¿Jantʼoj i éjtowal ki tʼajaʼ abal ku kʼwajiy kulbél kʼal i yanél ani yab ki kʼibchij a Jehová?
Puede que también le interese
JAWA’ YAN I ATIKLÁB TU KONÓWIYAL
¿Jantʼiniʼ játs an exobchixtaláb axi in binál an ólchixchik kʼal a Jehová?
Kʼal an exobintaláb axi in binál an ólchixchik kʼal a Jehová, tatáʼ a éjtowal ka eyendhaʼ jawakits tam Biblia axi a kwaʼal, jayej a éjtowal ka kaniy a yanél o a jaʼúbchik ban exobintaláb ani yab kwaʼal ka jalbiy.
