AJUMTALÁB 60
Ka áynanchij kit utey kʼal a Jehová
Ma tit tújenek tit exóbal, tatáʼ a exobnámal yan jantʼoj tin kwéntaj a Jehová. Nixéʼ in tʼajámal abal ka kʼanidhaʼ más ani walám ma a pidhaʼits a ejatal ani it pujan jantʼiniʼ it ólchix kʼal a Jehová, o walám wéʼits neʼets kit pujan. Pero talbél tit pujnének tatáʼ kwaʼal ka áynanchij kit utey kʼal a Jehová ani tam kit kʼwajiy ban ít tsabál, tatáʼ neʼets ka áynanchij ka exlaʼ tin kwéntaj a Jehová. Ki tsuʼuw jantʼiniʼ a éjtowal ka tʼajaʼ.
1. ¿Jaleʼ ti kwaʼal ka áynanchij kit utey kʼal a Jehová?
Kwaʼal ki lej tsápnanchij abal ku utey kʼal a Jehová. ¿Jaleʼ? «Abal [yab] ki ukʼchiy jawaʼ i atsʼámalits tin kwéntaj Jajáʼ», kom i éjtowal ku owméj kʼal a Jehová (Hebreos 2:1). ¿Jantʼoj neʼets tu ku tólmiy abal ki áynanchij ki tʼojonchij a Jehová? Max ki áynanchij ku olnomáts ani ki tʼajaʼ pilchik i tʼojláb abal ki kʼakʼnaʼ a Jehová (ka ajiy Filipenses 3:16). Ki kʼakʼnaʼ a Jehová játs jawaʼ más tu kulbedhál (Salmo 84:10).
2. ¿Jantʼoj kwaʼal ka áynanchij ka tʼajaʼ?
Tatáʼ wéʼits neʼets ka talabédhaʼ tit exóbal, pero neʼets ka áynanchij ka exóbnaʼ más tin kwéntaj a Jehová. An Biblia in ulal abal patal kwaʼal «ki áynanchij ki jalkʼuy jantʼiniʼ i ey ani ki tʼajaʼ jawaʼ chubax bolidh ani tʼokat» (Efesios 4:23, 24). Max ka áynanchij ka exóbnaʼ an Biblia ani kit kʼalej ti tamkuntaláb, tatáʼ neʼets ka exlaʼ yan jantʼoj tin kwéntaj a Jehová ani jantʼiniʼ játs in ey. Ka tsálpay jantʼoj más a éjtowal ka tʼajaʼ abal ka nítsʼbiy jantʼiniʼ játs in ey a Jehová ani ka tsápnanchij etsʼey ka tʼajaʼ jawaʼ tekedh abal ka kulbédhaʼ a Jehová.
3. ¿Jantʼiniʼ neʼets ti tólmiy a Jehová abal kit utey más kʼal Jajáʼ?
An Biblia in ulal: «Biyat a wéʼ yajchiknál, a Dios neʼets ti alwamédhanchij a ichích ani neʼets ti tólmiychik abal ka tʼayat belaʼ, neʼets ti tsáplinchij a ichích ani neʼets ti tólmiy abal ka lej tʼayat koʼoy ta ichích in káwintal» (1 Pedro 5:10). Tam junchikíl, neʼets ki atsʼaʼ abal i léʼ ki tʼajaʼ jantʼoj axi yab tekedh, pero a Jehová etsʼey neʼets tu ku pidhaʼ an tsapláb abal ki ejtow ki kuxuy (Salmo 139:23, 24). Jajáʼ neʼets ti tólmiy abal ka léʼnaʼ ka tʼojonchij ani abal ka koʼoy an tsapláb abal ka tʼajaʼ (ka ajiy Filipenses 2:13).
ABAL KA EXÓBNAʼ MÁS
Ki tsuʼuw jantʼoj a éjtowal ka tʼajaʼ abal ka áynanchij kit utey kʼal a Jehová ani jantʼoj tam lablixtaláb neʼets ti pidhaʼ.
4. Etsʼey ka tʼilmay a Jehová
Jawaʼ ti tolmiyámal abal ka bajuw ta jaʼúb a Jehová játs kit oláts ani ka exóbnaʼ an Biblia. Max ka áynanchij ka tʼajaʼ axéʼ, ¿walám neʼets ti tólmiy abal kit utey más kʼal Jajáʼ? ¿Jantʼiniʼ?
Ka ajiychik Salmo 62:8 ani ka tsálpaychik kʼal axéʼ:
-
A éjtowal ka tʼajaʼ i oláb axi ti tólmiy kit utey más kʼal a Jehová. ¿Jantʼiniʼ a éjtowal ka tʼajaʼ?
Ka ajiychik Salmo 1:2 ani ka tsálpaychik kʼal axéʼ:
-
Max ka tsápnanchij ka exóbnaʼ más alwaʼ an Biblia, neʼets kit utey más kʼal a Jehová. ¿Jantʼiniʼ a éjtowal ka tʼajaʼ?
¿Jantʼoj a éjtowal ka tʼajaʼ abal ka exbay más alwaʼ an Biblia, tam it exóbal? Abal ka exlaʼchik jantʼoj in éjtowal ti tólmiy, ka tsuʼuwchik an VIDEO. Talbél ka tʼilaʼchik jawaʼ a tsuʼuw:
-
¿Jawaʼ tam tsalap axi a tsuʼuw ban video a léʼ ka nítsʼbiy?
-
¿Jantʼoj a tsalpayámal abal a léʼ ka exóbnaʼ?
5. Ka tsalpay kʼal pilchik i ayláb abal ka tʼojonchij más a Jehová
Max ka tsápnanchij ka bajuw talchik i ayláb tin tʼojlábil a Jehová, neʼets ka ejtow kit utey más kʼal Jajáʼ. Ka tsuʼuwchik an VIDEO ani ka tʼilaʼchik jawaʼ a tsuʼuw:
-
¿Jaleʼ ti lej alwaʼ abal a Cameron in tsápnanchij kin bajuw talchik i ayláb?
Yab patal neʼets ki ejtow ku kʼalej tu ólnom al pil i bichow, pero i éjtowal ki tsápnanchij ki bajuw pilchik i ayláb. Ka ajiychik Proverbios 21:5 ani ka tʼilaʼchik jantʼoj tam ayláb a éjtowal ka tsápnanchij ka bajuw...
-
... ti tamkuntaláb.
-
... ti olnomtaláb.
¿Jantʼiniʼ in éjtowal ti tólmiy axéʼ xi tsalpadh kaw ti Biblia abal ka bajuw jun i ayláb?
Talchik i ayláb axi a éjtowal ka bajuw
-
Ka tʼajaʼ i oláb axi ti utuw más kʼal a Jehová.
-
Ka ajiy an Biblia kidhat.
-
Ka exlaʼ patal an epchal axi ti tamkuntaláb.
-
Ka exóbchij jun i atikláb kʼal an Biblia.
-
Ka tʼajaʼ tit precursor auxiliar o regular.
-
Max pel it inik, a éjtowal ka tsápnanchij abal ka bajuw tit tólmix ókʼnom.
6. Kit kʼwajiy kulbél abal etsʼey
Ka ajiychik Salmo 22:26 ani ka tsálpaychik kʼal axéʼ:
-
¿Jantʼoj kwaʼal ka tʼajaʼ abal ka ejtow kit kʼwajiy kulbél xowéʼ ani abal etsʼey?
JAWAʼ I EXOBNÁMAL
Ka tsápnanchij kit utey más kʼal a Jehová ani ka tsalpay kʼal pilchik i ayláb axi a éjtowal ka bajuw. Antsanáʼ neʼets ka ejtow kit kʼwajiy kulbél abal etsʼey.
Ki tʼilaʼ jawaʼ i exóbnaʼ
-
¿Jaleʼ a lej belál abal a Jehová neʼets ti tólmiy abal etsʼey ka tʼojonchij?
-
¿Jantʼoj a éjtowal ka tʼajaʼ abal kit utey más kʼal a Jehová?
-
Abal ka ejtow kit utey más kʼal a Jehová, ¿jaleʼ ti lej exbadh ka tsápnanchij ka bajuw pilchik i ayláb?
KA EXÓBNAʼ JANTʼOJ ÍT
¿Jantʼoj játs axi in léʼ a Jehová: ki tejwamédhanchij jun kalel abal i kʼanidhál o ki tejwamédhanchij chudhél chudhél?
Ki tʼajchij in kulbétal a Jehová antsanáʼ jantʼiniʼ in tʼajaʼ a Abrahán (9:20)
Ma jun i epchal axi biyálits tin tʼojonchal a Jehová in éjtowal ka tsekej tam junchikíl. Ka tsuʼuw jantʼoj in éjtowal kin tʼajaʼ.
Jawaʼ u tʼajaʼ abal junílekʼij ku kulbétnaʼ ku tʼojonchij a Jehová (5:25)
¿Jantʼoj kwaʼal ki tʼajaʼ abal ki bajuw jun i ayláb ani ki tʼojonchij más a Jehová?
«Ki tsápnanchij ki bajuw jun i ayláb abal ki puwénchij a Jehová» (La Atalaya, 15 de julio de 2004)
Ka tsuʼuw jaleʼ ti lej exbadh ku tsálpaxin jantʼiniʼ a Jehová ani jantʼiniʼ a éjtowal ka bajuw.