Lej alwaʼ abal a ejtowamal ka ajiy axéʼ xi folleto, ti tolmiyámal ka exlaʼ yán jantʼoj tin kwéntaj wawáʼ, i tʼojlábil ani i bichówil. I exlál abal xóʼ a ejtiyamalits abal pél expidh wawáʼ axi kʼwajat i tʼajál in kulbétal a Jehová xóʼ ta kʼichaj. Jáxtam, tu kaniyal abal ka aynanchij ka exobnaʼ tin kwéntaj a Dios. Ka ólchij a yanel ani a jaʼúb jawaʼ it kʼwajat a exobnál ti Biblia ani tu ku júnaʼ ti tamkuntaláb axi i tʼajál. (Hebreos 10:23-25).

Max ka aynanchij ka exobnaʼ más tin kwéntaj a Jehová, neʼets ka tsuʼuw jáy ti kʼanidhál. Tam ka atsʼaʼ nixéʼ neʼets ka léʼnaʼ ka tʼajaʼ patal jawaʼ jajáʼ ti konchal (1 Juan 4:8-10, 19). Pero, ¿jantʼiniʼ ti a ejtowal ka tejwamedhaʼ ta ejatal abal a kʼanidhál a Dios? ¿Jaléʼ ti lej alwaʼ ka belkaʼ in abatnaxtal?¿Jantʼoj neʼets ti tólmiy ka léʼnaʼ ka tʼajaʼ in kulbétal a Dios junax kʼal wawáʼ? Axi ti exóbchal tin kwéntaj an Biblia neʼets ti tólmiy ka tókʼtsiy axéʼchik xi konówixtaláb, abal antsanáʼ tatáʼ ani a yanel ka tejwamedhaʼ etsʼey «a kʼanidhomtal kʼal a Dios[...] aychidh an ejataláb abal etsʼey» (Judas 21, NM).

Tu konchal kʼal patal i ichích abal ka aynanchij ka exlaʼ más an chubaxtaláb tin kwéntaj an Biblia tin ebal axéʼ xi publicación: “Manténganse en el amor de Dios”.