PEJACH 8
¿Jaleʼ tin koʼoy ka tsemets a Jesús?
A Jesús tsemets abal wawáʼ ki ejtow ku kʼwajiy abal etsʼey (Juan 3:16)
Junchik i mímlab kʼalejchik in tsaʼbiyal a Jesús juʼtáj ti jolidhak óx a kʼicháj talbél, pero yab in elaʼchik ni jantʼoj kom a Jehová biyál in tsʼakʼbámalak.
Talbél ti tsʼakbaj, tejwamej kʼal in abatwálejchik.
A Jehová in wíchbanchij junílekʼij in ejatal a Jesús, pero in tsʼakbaj jantʼiniʼ jún i espíritu, axi yabáts jaykʼij neʼets ka tsemets. In exóbalilchik in tsuʼuw tam ti jajáʼ kʼadhiy ti éb.
A Dios in tsʼakbaʼ a Jesús ani in bijiy ti tsʼálej kʼal in Eyaltal (Daniel 7:13, 14)
A Jesús in bínaʼ in ejatal abal tu ku kʼaniy kʼal an walabtaláb ani an tsemlaj (Mateo 20:28). Jaxtám, xóʼ i ejtowal ki bajuw an ejataláb abal etsʼey.
A Jehová in bijiy a Jesús abal kin abatnaʼ an Tsabál ma tiwaʼ ti éb. Yab neʼets ka kʼwajiy kwetém, jajáʼ ani 144.000 i atiklábchik neʼets kin tʼajaʼ ti tsʼálej tin Eyaltal a Dios (Apocalipsis 14:1-3).
Tam a Jesús ka kʼwajiy ti éyal, neʼets kin alubmedhaʼ an Tsabál. Tám, yabáts neʼets ka waʼtsin i pojkax, ni pextaláb,ni jáyil ni tsʼejwantál. Patal an atiklábchik neʼets ka kʼwajiy lej kulbél (Salmo 145:16).
Puede que también le interese
ENSEÑANZAS IMPORTANTES DE LA BIBLIA
¿Jaleʼ ti tsemets a Jesús?
Walám a atsʼámal abal a Jesús tsemets abal ku pakwlanchat i waláb. Pero, ¿walám in tsemtal a Jesús neʼets kin tʼajaʼ ka pakwlanchat in wálab yan i atikláb?
TʼILAʼ
Ki tʼilaʼ in tsemtal a Jesús
Tu kaniyal abal kit tamkun kʼal wawáʼ al nixéʼ xi exbadh kʼicháj. Neʼets ka exlaʼ jantʼiniʼ in ejtowal ti tolmiy in ejatal ani in tsemtal a Jesús.
LIBROS ANI FOLLETOS
¿In ejtowal an tsemélomchik ka kʼwajiy junílekʼij?
¿A kʼibámal jún a yanél ti an tsémláj? An Biblia in bínál jún i aychixtaláb axi in ejtowal ti tólmiy.
