PEJACH 13
¿Jantʼonéy kwaʼal ki tʼajaʼ abal ki kulbedhaʼ a Dios?
Yab ka tʼajaʼ ni jantʼoj axi yab in kulbetnál a Dios (1 Corintios 6:9, 10)
Max i kʼanidhál a Jehová neʼets ki pojkaʼ jawákits tam tʼajbiláb axi yab in kulbetnál.
A Jehová yab in kulbetnál ku utsʼálin, ku kweʼláts, o ki eyendhaʼ i drogas.
Xóʼ an atiklábchik u tsemdhax, tʼajchíl in jidhkʼowal in tʼeléʼil, an inikchik in atwaynál in at-inik, in kʼadhpidh kʼanidhál an tumín ani pójkaxchik; patal axéʼ yab in kulbetnál a Dios.
Yab kwaʼal ki kʼakʼnaʼ i walekláb ni ki tákchikiy an espiritismo.
An atiklábchik axi in tʼajál nixéʼ xi tʼajbiláb yab neʼets ka kʼwajiy ti alabél tsabál.
Ki tʼajaʼ expidh axi alwaʼ (Mateo 7:12)
Abal ki kulbedhaʼ a Dios kwaʼal ki tsápnanchij ki nitsʼbiy.
Ka tʼajaʼ tit alwaʼinik kʼal axi más.
Kit xeʼtsin tekedh ta ejatal.
Ka paklwánchij in wálab axi más.
ka ólchij kʼeʼat i atiklábchik tin kwéntaj a Jehová ani in bélil (Isaías 43:10).
Puede que también le interese
TIN KWÉNTAJ WAWÁ’
¿Jaleʼ ti lej exbadh ki Exóbnaʼ an Biblia?
An Biblia in tolmiyámal yán i atiklábchik tin puwél an tsabál abal kin elaʼ an tokʼtsixtaláb axi más exbadh tin ejatal. ¿Tatáʼ jaye a léʼ ka exlaʼ?
