PEJACH 4
¿Jantʼonéy watʼey kom a Adán ani a Eva in belkaʼ a Satanás?
A Adán ani a Eva yabchik in belkaʼ a Dios, jaxtám ti tsemets (Génesis 3:6, 23)
A Eva in tʼajaʼ ti kwéntaj an tsan ani in kʼapuw an waliláb. Talbél in pidhaʼ a Adán ani jayej in kʼapuw.
Jajáʼchik walbin, jaxtám a Dios in kaldhaʼ ti Edén.
Talbél ti walbin, in ejatal lej kʼibatmej abal jajáʼchik ani in tsakámil, páyeychik ani tsemets. Tam ti tsemets, yabchik kʼalej ti éb ni juʼtáj pil; expidh taley in ejatal.
Génesis 3:19)
An tsemélomchik u wenkʼonal ti pojodh ani yabáts in ejtowal kin tʼajaʼ ni jantʼoj (Wawáʼ u tsémel kom u tal kʼal a Adán. An tsemélomchik yabáts in ejtowal kin atsʼaʼ, kin tsuʼuw, ni kin tʼajaʼ ni jantʼoj (Eclesiastés 9:5, 10).
A Jehová yab in léʼak abal an atiklábchik ka tsemets. Jajáʼ neʼets kin wíchbanchij in ejatal axi tsémenek ani max kin belkaʼ a Dios, neʼets ka kʼwajiy abal etsʼey.