Okʼxidh kʼal a Adán, a Jehová in tsʼejkaʼ jún i ángel lej tsapik. Max i léʼ ki kulbedhaʼ a Jehová kwaʼal ki belkaʼ nixéʼ xi atikláb.

Talbél tin tsʼejkaʼ axéʼ xi ángel, in tʼajaʼ abal ka waʼtsin tejéʼ Tsabál jantʼiniʼ jún i tʼeleʼ. In eyendhaʼ jún i chidhan in bij ta María. An tʼeleʼ bijiyat ta Jesús (Juan 6:​38).

Tam ti kʼwajiy tejéʼ ti Tsabál, a Jesús in tejwamedhaʼ abal pélak jantʼiniʼ in Tátaj. An atiklábchik in léʼak ka kʼwajiy kʼal jajáʼ, kom alwaʼinikak ani u kʼanidhom. Jayej yab jikʼey kin olnaʼ an chubaxtaláb tin kwéntaj a Jehová.

A Jesús kʼwiyan kʼal axi in okʼnálakchik an belomtaláb, kom in olnaʼ abal jajáʼchik lej pojkaxak ani in olnálak walím in jánamtal.

Jayej in lejkiy i yaʼul ani in tsʼakbaʼ tálchik i tsemélom.

Axi in okʼnálakchik an belomtaláb, in tʼajaʼ abal an soldados romanos kin odhnaʼ ani kin tsemdhaʼaka Jesús.