¡DESPERTAD! Núm. 2, 2018 | 12 i tolmixtaláb abal kit k’wajiy kulbél k’al a yanél
12 i tolmixtaláb abal kit k’wajiy kulbél k’al a yanél
Xowé’ ta k’icháj an yanelábchik in tametnál yan i k’ibataláb, pero jayej wa’ats yan axi in aynanchamal junkudh, ¿jant’ini’ in t’ajchamal?
Ti Estados Unidos, ti 1990 ani ma ti 2015, yan i tomkinél axi in kwa’alak 50 i támub jilaxin, pero axi más jilaxin pel an tomkinél axi in kwa’alchik 65 i támub.
Yan i atikláb axi exoblamadh in ulal abal an tatalábchik yab kwa’al kin ucha’ nibál jant’oj in tsakámil, ani k’e’atchik in ulal abal kwa’al ka tsapik tawnáj an tsakam. An tatalábchik yabats in exlál jita’ kin belchij.
Yan i tsákamchik u púwel ani yabchik in exlál jant’ini’ kin béletna’ tin ba’.
Pero axé’ in éjtowal ka jalk’un.
An tomkinélchik in éjtowal ka k’wajiy ets’ey junkudh ani kulbél.
An tatalábchik in éjtowal kin exla’ jant’ini’ kin exóbchij in tsakámil k’al i k’anidhomtaláb.
An tsákamchik in éjtowal ka yejey exóbchidh.
Pero, ¿jant’oj a yéjenchal ka t’aja’? Al axé’ xi ¡Despertad! ne’ets ka ela’ 12 i tsalap axi ne’ets ti tólmiy abal kit k’wajiy kulbél k’al a yanél.
1. Ka pidha’ in exbádh an tomkintaláb
Ox i tsalap axi ne’ets ti tólmiy abal an tomkintaláb ka k’wajiy tsapik.
2. Kit tolmíxin
¿It tójnalchik junax, o alk’idh abal it k’wajatchik junax?
3. Kit k’ak’náxin
¿Jant’oj a éjtowal ka t’aja’ o ka uluw abal a tomkíl o a k’imadhil kin ats’a’ abal a k’ak’nál?
4. Kit pakwlanchíxin
¿Jant’oj ne’ets ti tólmiy abal yab ka lej t’aja’ ti kwéntaj tam u úk’pinal a tomkíl o a k’imadhil?
5. Kit t’ilmátschik k’al a tsakámil
Ox i tolmixtaláb abal ka ejtow ka t’ilmay a tsakámil.
6. Ka bóliychik a tsakámil
Max ka boliy a tsakámil yab k’wajat a odhnál
7. Ka exóbchij a tsakámil
¿Jant’oj kwa’al ka exóbchij a tsakámil?
8. Ka exóbchij k’al jawa’ a t’ajál
Max a lé’ abal a tsakámil ti belka’, kwa’al ka exóbchij k’al jawa’ a t’ajál.
9. Ka exla’ jant’ini’ játs a ey
¿Jant’oj in éjtowal kin t’aja’ an tsakam abal kin ólna’ jawa’ in belál?
10. Ka putuw k’al a uchbíl
Ka tsápnanchij abal a tátajchik ti belchij jawa’ ka uluw, nixé’ ne’ets ti lej tólmiy.
11. Ka t’aja’ tit ik’ax
Max xowé’ ka exóbna’ tit t’ojnal, tam kit puwey yab ne’ets ka ats’a’ k’ibat ka putuw jawa’ ka tsalpay ka t’aja’.
12. Ka tsalpay k’al jawa’ a lé’ ka bajuw
An ayláb axi ne’ets a bájuwal ne’ets ti tólmiy ka bela’ abal ne’ets ka ejtow ka t’aja’ k’e’at jant’oj, jayej ne’ets kin t’aja’ abal a ja’úbchik ti k’anidha’ más ani abal ka ats’a’ más it kulbél.
Más i tolmixtaláb abal an yaneláb
An Biblia in kwa’al i alwa’ exobchixtaláb abal kit k’wajiy kulbél k’al a yanél.
