Tam kʼwajat i ajiyal an Biblia, in yéjenchal ki aliy más i olchixtaláb tin kwéntaj jawaʼ kʼwajat i exobnál. Yab i léʼ tu exóbal expidh abal ki exlaʼ yan jantʼoj, jawaʼ i léʼ játs ki exlaʼ jantʼiniʼ in ey a Jehová, tam ki exlaʼ neʼets ki kʼanidhaʼ más. Jaxtám, tam ki ajiy an Biblia ki tsalpay kʼal axéʼ: «¿Jantʼoj tin exóbchal axéʼ xi pejach tin kwéntaj a Jehová?».

Jun i tʼiplab, a éjtowal ka exóbnaʼ más jantʼiniʼ ti a Jehová in tejwamedhál abal u kʼanidhom, abal tsalpadh, abal etsʼey in tʼajál jawaʼ tekedh ani abal lej tsapik. Pero waʼats yan jantʼoj más axi i éjtowal ki exóbnaʼ tin kwéntaj a Jehová. ¿Juʼtáj más i éjtowal ki elaʼ i olchixtaláb tin kwéntaj axéʼ?

Ban Índice de las publicaciones Watch Tower neʼets ka elaʼ yan i olchixtaláb tin kwéntaj jantʼiniʼ in ey a Jehová. Abal ka elaʼ axéʼ xi lista, ka aliy an kaw «Jehová» ani talbél ka niʼchij juʼtáj tin ulal «Cualidades por nombre». Ka tsalpay jantʼoj kʼwajat a ajiyal ti Biblia tin kwéntaj jantʼiniʼ in ey a Jehová ani tam, ka aliy ban lista más i olchixtaláb (max tatáʼ expidh a kwaʼal la Guía de estudio para los testigos de Jehová, ka aliy juʼtáj tin ulal «Jehová» ani talbél ka niʼchij juʼtáj tin ulal «Cualidades de Jehová»).