Patal i éjtowal ki kʼakʼnaʼ a Jehová kʼal an epchalchik ti tamkuntaláb o ti púlik tamkuntaláb. Pero jayej i éjtowal ki kʼakʼnaʼ ti kwetémtal o kʼal i yanél. Tejéʼ waʼats talchik i tsalap axi a éjtowal ka eyendhaʼ tam i exóbal ta kwetémtal o kʼal a yanél:

• Ki exóbnaʼ jawaʼ neʼets ki tsuʼuw ban tamkuntaláb. Jayej i éjtowal ki exóbnaʼ an ajatlábchik ani ki tʼojojoy jun i tokʼtsixtaláb axi i tsálpayal ki bínaʼ ti tamkuntaláb.

• Ki ajiy jun i tʼilab axi ti Biblia. Talbél i éjtowal ki tsʼejkaʼ jun i dibujo tin kwéntaj jawaʼ i ajiy o jayej i éjtowal ki dhuchaʼ jawaʼ i exóbnaʼ.

• Ki exóbnaʼ jun i oláb axi in tʼajaʼ jun in tʼojnálil a Jehová axi ti biyál. Talbél i éjtowal ki tsalpay jantʼiniʼ neʼets tu ku tólmiy in tʼiplábil abal ki tʼajaʼ más alwaʼ i olábil.

• Ki tsuʼuw jun i video axi ti jw.org. Talbél i éjtowal ki tʼilaʼ kʼal i yanél o ki dhuchaʼ jawaʼ i kulbétnaʼ.

• Ku tʼojojon abal tu ólnom. I éjtowal ki exóbnaʼ jantʼoj neʼets ki uluw ban olnomtaláb.

• Ki tsuʼuw jawaʼ in tsʼejkámal a Jehová ani ki tsalpay jantʼoj tu exóbchal tin kwéntaj Jajáʼ. Max u kʼwajat kʼal i yanél, i éjtowal ki tʼilaʼ jawaʼ i exobnámal. a