Ka ajiy Génesis 37:​23-28; 39:​17-23 ani ka tʼajaʼ ti kwéntaj jantʼiniʼ ti odhnáj a José belits abal yab in tomnálak.

Ka aliy i olchixtaláb axi ti tólmiy ka exbay. ¿Jaleʼ tin yajchiknaʼ patal nixéʼ? (Gén. 37:​3-11; 39:​1, 6-10). ¿Jay i kʼij koʼoy kin yajchiknaʼ? (Gén. 37:2; 41:46). Al patal nixéʼ an kʼij, ¿jantʼoj in tʼajaʼ a Jehová abal kin tólmiy a José ani jantʼoj yab in tʼajaʼ? (Gén. 39:​2, 21; w23.01 17 párr. 13).

Ka exóbnaʼ más kʼal jawaʼ walám watʼey. An Biblia yab tu ólchal max a José in exaʼ kin kʼaniy tin baʼ kʼal jawaʼ tu jolbiyábak kʼal in kʼimádhil a Potifar. Pero max yab in kʼaniy tin baʼ, ¿jaleʼ walám yab in tʼajaʼ? (Ka jumbiy Prov. 20:2 kʼal a Hech. 21:37). ¿Jaleʼ an Biblia yab in olnál etsʼey patal jawaʼ u watʼel al jun i tʼilab? (Ka jumbiy kʼal Juan 21:25). ¿Kʼal jantʼoj ti tólmiyat a José abal kin kuxuy patal jawaʼ tʼajchat? (Miq. 7:7; Luc. 14:11; Sant. 1:​2, 3).

Ka tsalpay kʼal jawaʼ ti exóbchal nixéʼ an tʼilab. Ka konowiy ta baʼ:

• «¿Jantʼoj tam kʼibataláb awits ku tamétnaʼ kom exom u tsápnanchal ku nitsʼbiy a Jesús?» (Luc. 21:​12, 16, 17; Heb. 10:​33, 34).

• «¿Jantʼiniʼ u éjtowal kin tʼojojon abal tam ku tamétnaʼ jun i kʼibataláb?» (Sal. 62:​7, 8; 105:​17-19; w19.07-S 2-7).