Ka tʼajaʼ ti kwéntaj axéʼ

Tejéʼ neʼets ki tsuʼuw bóʼ i exobintaláb axi u kaw tin kwéntaj junkats i tsalap:

• Ban kʼaʼál exobintaláb neʼets ki tsuʼuw jantʼoj in tʼajámal a Jehová kom tu kʼanidhál ani jantʼiniʼ tu tólmiyal abal yab tu ku ataʼ an walabtaláb.

• Ban tsabchíl exobintaláb neʼets ki tsuʼuw jantʼiniʼ tin tejwamedhál jun i atikláb abal tʼeʼpinének kʼal in wálab ani jantʼiniʼ tin tólmiyamal a Jehová an atiklábchik abal ka tʼeʼpin kʼal in wálab.

• Ban oxchíl exobintaláb neʼets ki tsuʼuw jantʼoj uchan an epchalchik axi ti Corinto kin tʼajaʼ kʼal jun i inik axi in tʼajámal jun i walabtaláb ani yabak tʼeʼpinének kʼal in wálab.

• Ban tseʼchíl exobintaláb neʼets ki tsuʼuw jantʼoj uchnének an ókʼnomchik kin tʼajaʼ tam jun i epchal in tʼajámal jun i walabtaláb.

• Ban boʼchíl exobintaláb neʼets ki tsuʼuw jantʼoj i éjtowal ki tʼajaʼ abal ki tejwamédhaʼ abal i kʼanidhál ani abal i yajnanchal jun i atikláb axi pilmedhámej ti tamkuntaláb.