Ka ajiy Daniel 9:​1-19 abal ka tsuʼuw jaleʼ ti lej exbadh kit exobláts alwaʼ.

Ka aliy i olchixtaláb axi ti tólmiy ka exbay. ¿Jantʼoj watʼey okʼxidh ani jantʼoj watʼey kʼal a Daniel? (Dan. 5:​29–6:5). ¿Jantʼoj neʼetsak ka tʼajaʼ max it kʼwajatak tanáʼ kʼal a Daniel?

Ka exóbnaʼ más kʼal jawaʼ walám watʼey. ¿Jawaʼ játs libros axi walám in exóbnaʼ a Daniel? (Dan. 9:​2, nota; w11-S 1/1 22 párr. 1). ¿Jaleʼ ti a Daniel in ólchij a Jehová jawaʼ jajáʼ in tʼajámal ani an walabtaláb axi in tʼajámal an bichow Israel? (Lev. 26:​39-42; 1 Rey. 8:​46-50; dp-S 182-184). ¿Jaleʼ ti ulal abal a Daniel in lej kulbetnálak kin ajiy an dhuchlab? (Dan. 9:​11-13).

Ka tsalpay kʼal jawaʼ ti exóbchal an tʼilab. Ka konowiy ta baʼ:

• «¿Jantʼoj u éjtowal ku tʼajaʼ abal yab ti kin lej tʼeʼpindhaʼ jawaʼ u watʼel ban xeʼtsintaláb?» (Miq. 7:7).

• «¿Jantʼoj tam alwaʼtaláb neʼets ku batsʼuw max ku exóbnaʼ an Biblia, antsanáʼ jantʼiniʼ tin tʼajaʼ a Daniel tam ti exobláts?» (w04-S 1/8 12 párr. 17).

• «¿Jantʼoj in tomnál ku exóbnaʼ max u léʼ kin kʼwajiy alwaʼ tʼojojodh?» (Mat. 24:​42, 44; w12-S 15/8 5 párrs. 7, 8).