¿A atsʼál kʼibat ka tʼilaʼ jawaʼ a exobnámal? Junchikíl jats jawaʼ u watʼel. ¿Jantʼoj i éjtowal ki tʼajaʼ abal ki tʼilaʼ? Ka exaʼ ka tʼilaʼ an tsalapchik axi más exbadh axi a tsuʼuw ban exobintaláb.

Tam kit exobláts, kit wéʼ kublen abal ka tsalpay kʼal jawaʼ kʼwajat a exobnál. Jats jawaʼ in uchaʼ an abatwálej Pablo an epchalchik axi kʼwajatak in ajiyal an carta axi jajáʼ in dhuchaʼ. An abatwálej in uluw: «An lej uludh kaw axi u léʼ tu uchaʼchik jats axéʼ» (Heb. 8:1). Antsanáʼ in tólmiychik kin exbay jantʼoj jats axi jajáʼ in léʼak abal an epchalchik kin exbay.

Tam kit exobláts ka jolkʼaʼ 10 minutos abal ka tʼilaʼ an tsalap axi más exbadh axi a tsuʼuw ban exobintaláb. Ani max yab a lej tʼilál, a éjtowal ka tsab ajiy an tsalapchik axi más exbadh. Jayej a éjtowal ka tsab ajiy an subtítulos ani an kʼaʼál tsalap in kʼál an párrafo. Tam ka exóbnaʼ jantʼoj ít, a éjtowal ka uluw kʼal a kwetém káwintal, nixéʼ neʼets ti tólmiy ka tʼilaʼ jawaʼ a exobnámal ani neʼets ti tólmiy ka exlaʼ jantʼiniʼ ka eyendhaʼ ta ejatal.