2. Jayil
2. Jayil
«Ne’ets ka wa’tsin yan i jayil.» (MARCOS 13:8)
● Jun i inik ulnek ti tsinél ti Quaratadji (Níger). In primos, in epchal ani in uxum epchal jayej ulnek ti tsinél taná’. Axé’ xi inik u mó’kanal kwetém tin tatil. ¿Jale’ tin t’ajál antsaná’? Yabáts in kwa’al jant’ini’ kin pijchij in yanél ani in ats’ál kidháb kin tsu’uwchik abal u k’a’íl.
JAWA’ WAT’ENEK Ajiyamej abal k’al buk i atikláb, ets’ey ne’ets ka wa’tsin jun axi k’wajat in wat’al i jayil. Ani al jun i pejach ti Africa más k’ibat, kom k’al ox i atikláb wa’ats jun axi u jílk’onal k’al i jayil. Ki tsalpay k’al jun i tomkinél axi in kwa’al jun i tsakam. Max expidh wa’ats i k’apnél abal tsab, jun ne’ets ka jílk’on k’al i jayil. Chudhél, an tataláb kwa’al kin takuy jita’ ne’ets ka k’apúts, ani axé’ u wat’el k’al yan i yaneláb.
JAWA’ TALCHIK IN ULAL. An Tsabál in binál yan i k’apnél abal ka píjchiyat patal. Expidh in yéjenchal ka eyendháj alwa’ an tumín.
¿CHUBAX NIXÉ’? Chubax abal xowéyk’ij wa’tsinének yan i k’apnél ani exom ti buk’uwáb tin puwél an Tsabál. Ani an eyalchik in tomnálak kin eyendha’ abal yabáts ka wa’tsin más i jayil, pero bélits abal in exámalchik yab in ejtowámal.
¿JANT’OJ A TSÁLPAYAL? ¿Walám chubax k’wajat ti putnal jawa’ in ulal Marcos 13:8? An atiklábchik in bajuwámal kin t’aja’ yan jant’oj, pero, ¿walám in ejtowámal kin tixk’a’ an jayil?
Xowé’ ta k’icháj u lej yatsnal an Tsabál ani wa’ats yan i jayil. Pero wa’ats k’e’at i k’ibataláb axi in tejwamedhál abal u k’wajatits tin taltal an xe’tsintaláb.
[Comentario]
«Yan i tsakam axi u tsemel k’al i neumonía, i diarrea ani k’e’at i yaw’láts, ne’etsak kin ejtow kin jek’a’ max in kwa’alak jant’oj kin k’apuw.» (ANN M. VENEMAN, EX DIRECTORA EJECUTIVA DE UNICEF)
[An dhabal kʼal an foto]
© Paul Lowe/Panos Pictures