Wa’ats jun i alabél aychixtaláb
Wa’ats jun i alabél aychixtaláb
«Ka tso’obna’ abal ne’ets ka más pojkaxméj an atiklábchik tam wé’its ka taley an xe’tsintaláb.» (2 TIMOTEO 3:1)
¿A TSU’UMAL o a ats’amal ka wat’ey jant’oj ejtíl axé’?
● Jun i yaw’láts axi lej kidháb in t’ajál ka tsemets yan i atikláb.
● Yan i atikláb u tsemel k’al i jayil.
● Tam u t’elelél an Tsabál yan i atikláb u tsemel, jayej yan in k’ibál in k’imá’.
Ka tsu’uw talchik i k’ibataláb lej yajchik axi k’wajat ti wat’el xowé’. Ne’ets ka t’aja’ ti kwéntaj abal patal jawa’ in ulal an Biblia in tejwamedhál abal u k’wajatits «tin taltal an xe’tsintaláb». *
Axé’ an ajumtalábchik yab pel abal tu ku jik’edha’ k’al patal an k’ibataláb axi wa’ats. Pel abal tu ku ólchij abal wa’ats jun i aychixtaláb. Ne’ets ka t’aja’ ti kwéntaj abal k’wajat ti putnal akak i kaw axi an Biblia biyál in ulumal, axé’ in tejwamedhál abal u k’wajatits tu k’wajíl tin taltal an xe’tsintaláb. Jayej ne’ets ki tsu’uw jant’oj in ulal talchik i atikláb ani jale’ ti éjtowal ki bela’ abal wa’ats jun i aychixtaláb.
[Nota tin taltal an página]
^ párr. 7 Abal ki exla’ jale’ ti a Dios in jilál ka wa’tsin yan i yajchiktaláb, ka ajiy an artículo «¿Por qué permite Dios la maldad y el sufrimiento?», axi k’wajat ban páginas 16 ani 17.