Can. God kea about all his guys who stay sick. Talkin about one guy who wuz real tight wit God, da Bible tell: “Da One In Charge help um come good wen dey stay sick!” (Songs Fo God 41:3) If you sick all da time, dese three steps goin help you out:

1.   Pray fo da mana fo hang in dea. “Den, God goin make you guys come so notting bodda you.” Dat can help yoa heart fo rest inside an help you fo keep goin.​—Fo Da Philippi Peopo 4:6, 7.

2.   Tink good. Da Bible tell: “wen you feel jalike you dance an sing inside dass good medicine fo yoa body. But wen you stay sad inside, jalike yoa body all jam up.” (Wat Da Smart Guys Tell 17:22) Learn fo see da funny side of tings. Dis goin help you thru da hard times, an good fo yoa health.

3.   Look forward to da future hope. One solid hope can help you be happy even tho you sick all da time. (Fo Da Rome Peopo 12:12) Da Bible say about da future “nobody goin tell “I stay sick.”” (Isaiah 33:24) Da guys who stay sick all da time an science no can fix um, God goin fix um. Like how da Bible tell how da ol guys goin come young again. “Den da guy dat was sick, his body goin come new jalike one small kid. Jalike wen he was young.”​—Job 33:25.

 Side note: We know God help us, but Witnesses Fo Jehovah still yet seek medical treatment wen we sick. (Mark 2:17) We no say which kine help you gotta get. Each person gotta decide fo demself.