HELPAS Dey da guys fo help you wit anykine, like wea fo park, wea fo walk, if can save seat, stuffs lidat. Lissen to dem fo make eryting run easy.

BAPTIZUM Peopo who going get baptized sit in front da stage. Going get seats dat dey save fo dem ony. Dose who can get baptized gotta be seat in dose seats befoa da baptizum talk start on Saturday morning. Dey gotta bring dea own towel an wea nice kine swim clotheses.

YOA KOKUA Fo dis Big Meeting, cost big money so get enuff seats, good sound system, tv stuffs, an plenny odda kine stuffs. Fo make dis Big Meeting real good fo peopo fo get good time fo learn about Jehovah an get moa tight wit Him. If you like, can kokua wit da cost o support da work all ova da world. Going get kokua boxes in diffren places inside da building. If betta fo you, you can go on top da intanet an kokua dea at donate.pr418.com. Much mahaloz fo da kokua. Jesus’ Luna Guys fo Witnesses Fo Jehovah like say mahalo plenny fo yoa help fo da Kingdom work.

FIRST AID Eh, please no foget iz fo guys who get emergency ony, not one place fo go cruz.

NO CAN FIND AN FOUND UM If you find someting bring um dea. If you had lose someting go dea fo check if somebody had bring um dea. Even lost keikis should go dea so dea parents can find um. Parents watch yoa keikis real good an keep um near you, den no need fo worry about losing da keiki.

PLACES FO SIT Tink of oddas. No go save seats fo da whole island. Save ony fo dose in yoa ohana, guys who had ride in da same car, o one guy learning da Bible. An no put yoa stuffs on seats dat you no going sit in.

LIKE HELP OUT If you like kokua wit da work fo dis big kine meeting, go to da Information an Volunteer Service Department.