How fo get az much az can from learning da Bible
Read dis firs, den play um da VIDEO.
FIRS PART
Fo make ready fo each lesson, read um da firs part. Da questions in dark lettas (A) an da scripchas (B) back up da main points. Some of da scripchas goin tell you fo “read um.”
MIDDO PART
Wat tell firs (C) unda Dig Moa Deep tell wat goin happen bumbye. Da subheadings (D) goin show you wat you goin talk about. Wit one teacha, read um da scripchas, ansa da questions, an spock um out da videos.
Da VIDEO boxes goin take you to videos dat back up wat you stay reading. Some videos show real stuffs dat wen happen. Oddas is make pretend kine dat no stay about real peopo, o tings dat wen happen, but show us wat can happen.
Look um da pichas, an da words unda da pichas (E), an tink good how fo ansa Wat Some Peopo Tell (F).
LAS PART
Go ova Wat We Wen Talk About an Wat You Wen Learn (G). Put um da date wen you wen pau da lesson. Someting Fo Do (H) give you someting you can work on. An if you like, Learn Some Moa (I) get odda kine stuffs ova dea fo you read um o watch um.
How you can find one scripcha in yoa Bible
All togedda da Bible get 66 small kine books: da Hebrew-Aramaic Scripchas (“Da Befo Jesus Book”) an da Christian Greek Scripchas (“Da Jesus Book”).
Weneva get one scripcha inside hea, get da name of da Bible book (A), den da chapta (B), den da verse o verses (C).
Fo exampo, John 17:3 tell, da book of John, chapta 17, verse 3.
