LESSON 02
Da Bible Give All Us Hope Fo One Betta Life
All ova da world, peopo stay sad, dey all presha out, an even dey stay soa inside. Wat about you? Anyting wen happen to you dat make you feel lidat? Maybe you sick, o maybe somebody you love wen mahke. Maybe you tink, ‘Life goin get betta, o wat?’ Da Bible can ansa dat question fo you, fo help you stay good inside.
1. How da Bible give us hope fo one betta life?
Da Bible no ony tell us how come stuffs stay lidis, but even tell us good kine tings. Like all dese problems, ony goin be litto while moa an pretty soon, goin be pau. (Read um Jeremiah 29:11, 12.) Dese kine promises inside da Bible can help you deal wit da problems you get, fo help you stay good inside now an be happy foeva.
2. Wat kine future da Bible talk about?
(Read um Jesus Show 21:4). All da problems dat get today can make us feel like ‘Poho live my life!’ Stuff like no moa nuff money, tings not fair, we come sick an mahke. But all dat goin come pau! Da Bible promise dat all us guys goin live on one cherreh Paradise earth an we goin live good foeva.
3. How we can believe fo shua dat all dose tings goin happen?
Plenny peopo like good tings fo happen but dey donno if goin o no goin happen. Da Bible not lidat but. We can believe um fo shua if we learn “real good wat da Bible tell.” (Jesus Guys 17:11) Wen you learn da Bible, you goin figga out if can believe wat da Bible tell about da future.
DIG MOA DEEP
Try look at some of da tings da Bible promise goin happen bumbye. An see how dat hope fo one betta life stay help peopo today.
4. Da Bible tell get chance fo live good foeva wea eryting stay perfeck
Look some of da tings da Bible promise. Which one you like see happen? How come?
Read um da scripchas nex to da promise, an den talk about dese questions:
-
Dey give you hope, o wat? Can give hope to yoa ohana an yoa frenz too?
Try tink if you wen live in one world wea
|
NOBODY GOIN . . . |
ERYBODY GOIN . . . |
|---|---|
|
|
|
|
|
|
|
|
|
|
5. Da hope from da Bible can make yoa life betta now
Plenny guys come all bum out o even mad wen dey see all da pilau stuffs dat happen in da world. Some guys, dey try fight real hard fo make tings betta. Try look how da Bible’s promise fo one betta future help peopo even now. Play um da VIDEO, an den talk story about da questions afta.
-
In da video, wat Rafika wen see dat wen bodda her plenny?
-
Even if all da stuff she wen see neva go away, how da Bible wen help her?
Da future da Bible talk about can help us fo no come bum out an hando wateva kine pilikia we get. Read um Smart Guys 17:22 an Fo Da Rome Peopo 12:12, an den talk story about dese questions:
-
Wat you tink, da future da Bible talk about can make yoa life betta now, o wat? How come?
WAT SOME PEOPO TELL: “All da stuff da Bible tell goin happen bumbye, no way dat goin happen.”
-
Why you tink az importan fo check out da Bible yoaself?
WAT WE WEN TALK ABOUT
Cuz da Bible give us hope of one happy future, we can stay good inside. Dat can help us fo hando da pilikia we get now.
Wat You Wen Learn
-
How come peopo need hope fo one betta life?
-
Wat da Bible tell goin happen in da future?
-
How da future da Bible talk about can make yoa life betta now?
LEARN SOME MOA
Knowing da good kine stuff da Bible tell goin happen in da future can give you choke mana.
Try look how knowing da good kine stuff da Bible tell goin happen in da future can help you if you stay sick all da time.
Wen you watch dis music video, try picha you an yoa ohana having one good life in da paradise da Bible wen promise.
Dis guy, he wanted fo change da world. Try read how his life wen change once he had learn about da good kine tings da Bible tell goin happen in da future.
“I No Feel Like I Gotta Change Da World Anymoa” (Da Place Fo Watch From, July 1, 2013)
