LESSON 36
Live Da Right Way An Tell Da Trut Erytime
Erybody like frenz who tell da trut, aah? Jehovah like his frenz tell da trut too. But dass not easy fo do cuz plenny peopo bulai all da time. Wat good kine tings you goin get wen you live da right way an tell da trut erytime?
1. Wass da numba one reason fo tell da trut?
Wen we tell da trut to oddas, we show Jehovah dat we love an respeck him. Try tink: Jehovah know eryting we tink about an do. (Fo Da Hebrew Peopo 4:13) He see wen we choose fo tell da trut, an dat make him happy. “Cuz Da One In Charge, he no like crooked kine peopo, dey make him sick. But da peopo dat stay do wass right, dey stay his good frenz.”—Smart Guys 3:32.
2. How us can live da right way ery day?
Jehovah like us “tell da trut to each odda.” (Zekariah 8:16, 17) Wat dat mean? No matta if we talking to oua ohana, da peopo we work wit, oua Christian braddahs an sistahs, o govament guys, we no goin bulai dem o fake dem out. Da peopo who live da right way an tell da trut erytime no goin cockaroach oddas o rip dem off. (Read um Smart Guys 24:28 an Fo Da Efesus Peopo 4:28.) Dey pay all da taxes dey gotta pay. (Fo Da Rome Peopo 13:5-7) Wit eryting we do, “erytime we like live da right way.”—Fo Da Hebrew Peopo 13:18.
3. Wat good kine tings you goin get wen you live da right way an tell da trut erytime?
Wen peopo know we tell da trut an do da right ting erytime, dey trus us. We help erybody in da local hui feel safe, jalike one ohana who show love an aloha. We stay good inside an notting bodda us. Wen us guys live da right way an tell da trut erytime, dat can help guys outside da local hui like learn da right way fo worship an “all da kine stuff us teach [about God] goin look real good.”—Fo Titus 2:10.
DIG MOA DEEP
Try see how Jehovah feel wen we tell da trut, how come dass good fo us, an learn how us can live da right way erytime.
4. Wen we tell da trut, dat make Jehovah happy
Read um Songs Fo God 44:21 an Malakai 3:16, an den talk story about dese questions:
-
How come you tink az not smart fo believe dat us can hide da trut?
-
How you tink Jehovah feel wen we choose fo tell da trut, even wen is hard?
Wen keiki tell da trut, dey make dea parents happy. Wen us guys tell da trut, we make Jehovah happy
5. Live da right way an tell da trut erytime
Plenny peopo believe dat get times wen you no need tell da trut. But try look how come we gotta live da right way an tell da trut erytime. Play um da VIDEO.
Read um Fo Da Hebrew Peopo 13:18, an den talk story about how us can live da right way . . .
-
wit oua ohana.
-
at work o school.
-
in odda kine ways.
6. Good tings happen wen we tell da trut erytime
Sometimes telling da trut can make problems. But, eh, dass da bes ting fo do erytime. Read um Songs Fo God 34:12-16, an den talk story about dis question:
-
How telling da trut make yoa life betta?
-
Husbans an wifes who tell da trut erytime make dea marriage moa strong
-
Worka guys who tell da trut erytime, dea bosses trus dem
-
Peopo who tell da trut erytime get one good rep wit da govament guys
WAT SOME PEOPO TELL: “Az ok fo bulai if nobody find out.”
-
How come you believe dat Jehovah hate all kine bulais?
WAT WE WEN TALK ABOUT
Jehovah like his frenz fo live da right way an tell da trut erytime.
Wat You Wen Learn
-
Wat some ways us can tell da trut an live da right way erytime?
-
How come az not smart fo tink we can hide da trut?
-
How come you like live da right way an tell da trut erytime?
LEARN SOME MOA
How parents can teach dea keiki fo tell da trut?
Wat good kine tings happen wen we do wat we tell we goin do?
We gotta pay taxes even if da govament no use um da right way o wat?
“Taxes—Must You Pay Them?” (The Watchtower, September 1, 2011)
Befoa time, one guy would bulai peopo fo money. Wat wen make him stop?
“I Learned That Jehovah Is Merciful and Forgiving” (The Watchtower, May 1, 2015)
