Get plenny awesome kine tings we can do an have good fun doing um cuz we stay alive. Even wen get pilikia, still yet get some good stuffs about life. How us guys can show Jehovah we tankful fo his gif of life? An how come we like do dat?

1. How come we gotta be tankful fo life?

We gotta be tankful fo life cuz oua Faddah who love us, Jehovah, wen give um to us. “Da fo real kine life, all come from” Jehovah—he wen make eryting dat stay alive. (Songs Fo God 36:9) “Cuz he da One dat make all da peopo stay alive, an he give dem air fo breave, an all da odda stuff.” (Jesus Guys 17:25, 28) Jehovah give us wat we need fo live. On top of dat, he make um so dat we can live good.—Read um Jesus Guys 14:17.

2. How we can show Jehovah we tankful fo da gif of life?

From da time yoa maddah wen come hapai wit you, Jehovah wen kea about you. Jehovah wen have David put down inside da Bible: “Befo I born, you see my body come togedda.” (Songs Fo God 139:16) Yoa life stay spesho to Jehovah. (Read um Matthew 10:29-31.) If on purpose, somebody wen put one end to anodda person’s life, even his o her own one, dat would make Jehovah feel supa soa inside. a (Outa Egypt 20:13) If we live wit one ‘I no kea’ kine attitude wen come to oua lifes o odda peopo’s ones, dat goin make Jehovah’s heart soa too. Wen we take kea oua life an show respeck fo oddas’, we show oua mahalo fo da awesome gif of life.

 DIG MOA DEEP

3. Take kea yoa health

Cuz we wen promise Jehovah fo always do wat he like, we use oua whole life fo serve him. Dass jalike we give oua bodies to God az one sacrifice. Read um Fo Da Rome Peopo 12:1, 2, an den talk story about dese questions:

• How come you gotta like take kea yoa health?

• How you can do dat?

 5. No hurt da life of one bebe who no stay born yet

Using nice kine words, David wen tell dat Jehovah like know eryting dat happen wen one bebe stay grow inside his maddah. Read um Songs Fo God 139:13-17, an den talk story about dis question:

• Da way Jehovah see um, somebody’s life wen start wen dey born o wen da maddah come hapai?

Long time ago, Jehovah had rules fo da Israel peopo dat wen proteck maddahs an dea bebes who no was born yet. Read um Outa Egypt 21:22, 23, an den talk story about dese questions:

• If somebody wen end da life of one bebe who no stay born yet on accident, how Jehovah look dat person?

• How Jehovah feel if somebody wen do dat on purpose? b

• How you feel about da way God see um?

Play um da VIDEO.

One wahine who know life stay spesho might still tink getting one abortion is her ony choice. Read um Isaiah 41:10, an den talk story about dese questions:

• If one wahine get presha fo get one abortion, who she gotta ask fo help? How come?

 WAT WE WEN TALK ABOUT

Da Bible teach us fo love, respeck, an proteck Jehovah’s gif of life. Not ony oua own life, but odda peopo’s lifes too.

Wat You Wen Learn

• How come peopo’s lifes stay spesho to Jehovah?

• Wen somebody end one human life on purpose, how Jehovah feel?

• How come you stay tankful fo da gif of life?