Peopo who jus wen get married wen feel supa happy on dea wedding day. Dey like feel dat way foeva. An dey can. Christians who stay married long time awready, an who wen work hard fo do wat da Bible tell, know dat dass true.

1. Wat da Bible tell husbans is good fo do?

Jehovah wen give husbans da kuleana fo be head of da ohana. (Read um Fo Da Efesus Peopo 5:23.) Jehovah tell he gotta choose fo do da tings dat going be good fo da ohana. Da Bible tell husbans: “Get plenny love an aloha fo yoa wife.” (Fo Da Efesus Peopo 5:25) Wat dat mean? One husban who love his wife make nice kine to her, no matta if dey stay at home, o wit odda peopo. He try fo keep her safe, happy, an give her wat she need. (1 Fo Timoty 5:8) An da mos importan ting, he help her fo stay tight wit Jehovah. (Matthew 4:4) Someting he can do is pray an read da Bible wit his wife. Wen one husban show love an aloha fo his wife an kea fo her, he stay frenz wit Jehovah.—Read um 1 From Peter 3:7.

2. Wat da Bible tell wifes is good fo do?

Da Bible tell dat one wife “gotta show respeck fo her husban.” (Fo Da Efesus Peopo 5:33) How she can do dat? She can tink about da good tings her husban wen do, an how hard he work fo take kea her an dea keiki. She can show respeck by goin along wit wat he choose, an by talking nice kine to him an about him, even if he no worship Jehovah.

3. How one couple can make dea marriage moa strong?

Da Bible tell about couples who stay married: “Da guy an da wahine goin be jalike one body.” (Matthew 19:5) Dey gotta work hard fo make shua dat notting goin hemo dem from each odda. Dey can spend plenny time togedda an talk story, an tell each odda wat dey tink an how dey feel in one nice kine way. Dey no goin let anyting o anybody—odda den Jehovah—fo be moa importan den dea odda half. Dey make shua not fo have dat kine relationship wit anybody else.

 DIG MOA DEEP

4. Husbans—love an take good kea yoa wife

5. Wifes—love an respeck yoa husban

Da Bible tell az good fo one wife respeck her husband, no matta if he worship Jehovah o not. Read um 1 From Peter 3:1, 2, an den talk story about dese questions:

• If yoa husban no worship Jehovah, garans you like him fo do dat. Wat you tink is da bes way fo help him—preach to him nonstop, o be one wife who show respeck, ack nice kine, an be good to him? How come?

Husbans an wifes can choose wat stay good togedda. But sometimes da wife no goin agree wit da husban. Wen dat happen, she can tell  him wat she tink wit respeck, an using nice kine words. But she gotta undastan dat Jehovah wen give him da kuleana fo pick wass bes fo da ohana. She gotta do her bes fo make shua wat he wen pick, come out good. Wen she do dat, she help da whole ohana fo be happy. Read um 1 From Peter 3:3-5, an den talk story about dis question:

• How Jehovah feel wen one wife show respeck fo her husban?

6. You can make um thru wateva pilikia you get in yoa marriage

 WAT WE WEN TALK ABOUT

One husban an wife can be happy wen dey love an show respeck fo each odda, an do wat da Bible tell.

Wat You Wen Learn

• Wat one husban can do fo make one marriage happy?

• Wat one wife can do fo make one marriage happy?

• If you stay married, wat is someting from da Bible dat can make yoa marriage moa strong?