LESSON 60

Keep Making Yoa Frenship Wit Jehovah Moa Strong

PLAY

Goin thru dis book, you wen learn plenny about Jehovah. Da tings you wen learn goin make you love him so much, dat maybe you already wen give yoa life to him, an wen get baptize. If you neva yet, maybe you tink you goin do um soon. But afta you get baptize, you no stay pau yet. You can keep coming moa close to Jehovah foeva. How?

1. How come we gotta keep making oua frenship wit Jehovah moa strong?

We gotta work hard fo make oua frenship wit Jehovah moa strong. How come? So we no drift away from him an “foget um.” (Fo Da Hebrew Peopo 2:1) Wat can help us fo trus Jehovah an keep serving him? We can go preach az much az can, an look fo odda ways fo do moa fo Jehovah. (Read um Fo Da Philippi Peopo 3:16.) Serving Jehovah is da bestes way fo live!—Songs Fo God 84:10.

2. Wat else you gotta keep doing?

Even tho you goin pau learn from dis book, yoa life az one Christian goin keep goin. Da Bible tell we gotta “live da new kine way.” (Fo Da Efesus Peopo 4:23, 24) Az you keep learning from da Bible an keep goin meetings wit da local hui, you goin learn new tings about Jehovah an who he stay. Try see how you can come moa like him in yoa life. If you see someting you gotta change, do um fo make Jehovah happy.

3. How Jehovah goin help you keep goin?

Da Bible tell: “God goin make you guys come mo betta den befo time. He goin make you guys stan up mo strong an come real solid inside so notting shake you up.” (1 From Peter 5:10) Goin get times wea all us like do bad kine stuff. But Jehovah give us wat we need fo stay strong. (Songs Fo God 139:23, 24) He promise fo make you like serve him an give you da powa fo do um.—Read um Fo Da Philippi Peopo 2:13.

DIG MOA DEEP

Try look how you can keep coming moa close to Jehovah an how he goin bless you.

4. Keep talking to an lissening to yoa bestes Fren

Prayer an learning from da Bible wen help you fo be Jehovah’s fren. How doing dose tings goin help you come even moa close to him?

Read um Songs Fo God 62:8, an den talk story about dis question:

Fo make yoa frenship wit Jehovah moa strong, how you can make yoa prayers moa betta?

Read um Songs Fo God 1:2, an den talk story about dis question:

Fo make yoa frenship wit Jehovah moa strong, how you can make yoa Bible reading moa betta?

Wen you learn da Bible fo yoaself, how you can make um moa betta fo you? Fo check out some tings you can do, play um da VIDEO, an den talk story about da questions afta.

VIDEO: How Fo Study Moa Betta (5:22)

Wat kine tings in da video you like do?
Wat kine tings you like learn about?

5. Make one plan fo serve Jehovah moa betta

Wen you get someting you like do fo Jehovah, dat goin help you come moa close to him. Play um da VIDEO, an den talk story about da question afta.

VIDEO: Da Bes Life Eva (3:31)

Inside da video, wat good kine tings wen happen cuz Cameron wen plan fo do moa tings fo Jehovah?

Erybody no can move one odda place fo preach, aah? But we can still plan tings we can do fo Jehovah. Read um Smart Guys 21:5, an den talk story about wat kine tings you like do . . .