LESSON 9
How Your Ohana Can Be Happy?
1. How come gotta get married fo be one happy ohana?
Jehovah wen bring da firs kane an wahine fo stay togedda. (Numba 1 Fo Timoty 1:11) Dats moa den one piece paper. Da real kine marriage goin make our mate an kids feel safe an happy. Christians gotta respeck da local law an get one marriage license.—Read Luke 2:1, 4, 5.
How God look at tying da knot? He like da marriage wit one kane an wahine last foeva. Jehovah like us husbans an wives fo stick togedda wit each odda. (Fo Da Hebrew Peopo 13:4) He no like wen you cut an run or leave fo good. (Malakai 2:16) Can get one divorce, but az Christians only if your mate fool aroun.—Read Matthew 19:3-6, 9.
2. How you supposed to ack wit your husban or wife?
Jehovah wen make somebody fo love an kokua us. (Da Start 2:18) Da husban, he stay in charge fo put food on da table an talk to da ohana bout God. Da husban no can tink only bout himself, gotta tink bout da wife too. Both of dem gotta love an respeck each odda an learn how fo forgive each odda. Dat is da key fo one happy marriage.—Read Fo Da Efesus Peopo 4:31, 32; 5:22-25, 33; Numba 1 From Peter 3:7.
3. Wat, you goin dig out if no like your marriage?
If you get hard time hando your marriage, gotta work hard fo fix um, hang in dea an show each odda love an aloha. (Numba 1 Fo Da Corint Peopo 13:4, 5) God’s Word tell us no run away from da problem, work um out.—Read Numba 1 Fo Da Corint Peopo 7:10-13.
4. Keikis, wat God like fo you?
Jehovah like you feel good inside by doin good kine tings. He like you lissen to your maddah an faddah, dey know betta den you. (Fo Da Colosse Peopo 3:20) Jehovah an Jesus like you do tings dat make dem happy an you goin feel good inside doin dat too.—Read Ecclesiastes 11:9–12:1, NW; Matthew 19:13-15; 21:15, 16.
5. How can us parents help oua kids fo feel good inside?
We gotta work hard fo put food on da table, roof ova dea heads, an clothes on dea back. (Numba 1 Fo Timoty 5:8) Teach your kids fo love Jehovah an kno who God stay. (Fo Da Efesus Peopo 6:4) Wen da kids see you do good kine tings fo God, it can make your keikis say, “I like do dat too.” Use da Bible fo help dem tink strait.—Read Da Rules Secon Time 6:4-7; Proverbs 22:6, NW.
Build your kids up, make dem feel good an tell dem good job. But you gotta let dem kno wen dey stay doin wrong. Wen we teach dem da right way, dat goin help dem no get any kine pilikia an dey goin be happy. (Numba 2 Fo Timoty 2:24,25) No can give dem dirty lickins fo no reason.—Read Fo Da Colosse Peopo 3:21.
Witnesses fo Jehovah make all kine books fo kokua oua ohana. All strait from da Bible.—Read Numba 2 Fo Timoty 3:16.
