God wen make one home fo us fo live on. Adam an Eve wuz made fo live on dis eart, not in heaven​—God wen make angels, dey live in heaven. (From Jude 6a) God wen put Adam in one paradise place called Eden. (Da Start 2:15-17) Jehovah wanted him an his future ohana fo live in one awesome place on eart foeva.​—Read Jesus Guys 17:26.

Back den, only Eden wuz one unreal paradise fo live in. Bumbye, Adam an Eve wuz goin to have keikis, take ova, make da whole eart nice from mauka to makai. God neva make da eart fo be destroyed. (Da Start 1:28) He made um solid, so us guys would have one home.​—Read Isaiah 45:18.

Watch da video Wat God Like Do fo da Eart?

Adam an Eve neva lissen to God, so Jehovah wen kick dem outta da garden. Dey wen lose da paradise an nobody could get um back again. Not goin get betta, da Bible tell us: “Peopo . . . going ack mo an mo worse.”​—Numba 2 Fo Timoty 3:13.​—Read Da Start 3:23, 24.

Jehovah wen change his mind? No! He is almighty, he no make mistakes. (Isaiah 55:11) He goin bring back evryting da way he like um fo be.​—Read Fo Da Rome Peopo 8:21.

Da paradise goin come wen Jesus stay King. Jesus goin take charge of one big battle called Armageddon. Jesus an God’s angels goin get rid of all da guys who no love an do wat Jehovah like. Den Jesus goin lock Satan up fo 1,000 years. Only God’s peopo goin make um wen da  pilikia pau. Now dey goin be happy, cuz da eart goin be da way Jehovah like um.​—Read Wat Jesus Show John 20:1-3; 21:3, 4.

Wen we goin see da end to da bad kine tings happening now? We look aroun, get choke pilikia an plenny people suffering. Dat right dea, tell us we livin in da time wen “da way tings stay right now, goin be pau.” Jesus wen sho dem one “sign” wen all dese tings goin take place.​—Read Matthew 24:3, NW; 24:7-14, 21, 22.

Jesus goin rule fo 1,000 years from heaven ova da eart an end all da suffering we gotta go thru. Jesus goin be in charge, he goin take away all da shame from da guys who love God. (Isaiah 9:6, 7; 11:9) Jehovah goin use Jesus fo wipe out da tings dat make us get sick, come old, an mahke.​—Read Isaiah 25:8; 33:24.

Only guys who lissen an do wat God tell um fo do. (Numba 1 From John 2:17) Das why Jesus wen tell us go look fo guys wit good heart an teach dem how fo love Jehovah. Today, Jehovah gettin plenny peopo ready fo one good future on eart. (Zephaniah 2:3, NW ) At oua meeting place, peopo learnin how fo be good faddahs, maddahs, husbans, wives, an keikis. All da peopo can learn how fo make dea ohana moa betta from da good kine tings Jehovah like dem learn.​—Read Wat Jesus Show John 15:4.