GOING BACK AGAIN
LESSON 7
Keep Trying
Bible trut: “Ery day dey no stop teach an tell erybody . . . da Good Stuff bout Jesus.” —Jesus Guys 5:42.
Wat Paul Wen Do
1. Watch um da VIDEO, o read um Jesus Guys 19:8-10. Den tink about da questions:
-
Instead of giving up wen some guys wen try stop him, how Paul wen keep trying fo help da peopo who wanted fo learn?
-
How much times Paul wen go back fo teach dese guys, an fo how long he wen do dis?
Wat We Learn From Paul?
2. We gotta make da time an try hard fo go back to talk story again, an fo help dem start fo learn da Bible.
Copy Paul
3. Go back wen az one good time fo dem. Try tink about dis: ‘Wen would be one good time fo me be in touch wit dem? Wat time an place dey going like talk story wit me?’ Be ready fo go back again, even if da time no stay right fo you.
4. Make one time fo meet. Afta you pau talk story, try set up one time fo go back again. Make shua you show up.
5. No give up hope. Jus cuz you no can find dem home, o dey stay busy, no tink dey not interested. (1 Cor 13:4, 7) Do yoa bes fo find da person but rememba make good use of yoa time.—1 Cor 9:26.
