GOING BACK AGAIN
LESSON 9
Undastand How Dey Feel
Bible trut: “Wen odda peopo feel real good inside, you feel good inside wit um—an wen dey cry, you cry wit um.”—Rom 12:15.
Wat Jesus Wen Do
1. Watch um da VIDEO, o read um Mark 6:30-34. Den tink about da questions:
-
How come Jesus an his aposals wanted fo go “one place wea nobody stay”?
-
How come Jesus wanted fo teach da peopo?
Wat We Learn From Jesus?
2. If we put ouaselfs in odda peopo’s slippas, we going like help dem, an not ony preach to dem.
Copy Jesus
3. Lissen real good. Let da person tell you how dey really feel. No butt in, o make like wat dey say, feel, o believe is notting. Lissen real good fo show you kea wat dey tink.
4. Tink about da guy who wen like wat dey hear. From wat you wen talk story about, try tink:
-
‘Why dey gotta hear da trut?’
-
‘How learning da Bible going make dea life moa betta now an in da future?’
5. Tell dem about tings dat can help dem. Az soon az can, show dem how learning da Bible can ansa dea questions, an how dat can help dem.
