All da stuff you see now . . . like peopo who only like get money fo demself, no do wat dea madda an fadda tell um, goin like see odda peopo suffa, goin only like do wat feel good fo dem. All dis kine stuff was written in da Bible long time ago.

Da groun goin shake, countries goin fight each odda, no goin get nuff food fo everybody. Peopo goin get real sick an mahke. All dis stay happening today right now.

An at da same time, Jesus said dat all ova da eart goin get peopo dat share good kine words about God’s Government.​—Matthew 24:14.

Da wicked no mo chance. Jehovah goin destroy um.

Satan an da demons no goin get away too.

Da peopo who do wat God like get chance fo live someplace spesho, wea you not goin be sked. Everybody goin get love an aloha.