Stay away from da traditions an customs dat no follow da Bible. No go dakine places, an do dakine stuff dat no agree wit da Bible. Goin be hard, but make strong.

We like be on Jehovah’s side so we no follow da tings da nations an governments stay doin like vote, protest, go war or any of dakine tings lidat. Cuz dey not fo God’s solid government.

Hang out wit Witnesses fo Jehovah, his peopo, cuz dey awready close to Jehovah dey can help you come close to him too.

Keep getting moa akamai wit Jehovah an try do wat he tell us.

When you full on believe wat you wen learn, you tell Jehovah in prayer dat you like serve um fo da rest of your life, den get baptized.​—Matthew 28:19.

Do wat God tell you fo do in da Bible. Read um, den ask Witnesses fo Jehovah fo help you learn. Wen you do um, you goin get to live to da max foeva.​—Matthew 25:46.