“God goin wipe away all da tears from dea eye. Nobody goin mahke no moa. Nobody goin stay sore inside, o cry, o suffa, . . . all dat goin pau.”​—Wat Jesus Show John 21:4, Da Jesus Book.

No can blame God fo da bad tings dat happen.​—From James 1:13.

God kea about you so much.​—Numba 1 From Peter 5:7.

Pretty soon notting goin make us all soa inside.​—Isaiah 9:7.

Fo shua, because:

• God no like see us suffa! In Bible times, try look how God wen feel wen his peopo no was treated right. “I wen see how da Egypt peopo stay make my peopo suffa plenny. I wen hear dem moaning.”​—Jesus Guys 7:34.

  God, he hate da peopo who make trouble fo odda peopo. God goin right da wrong.​—Fo Da Rome Peopo 12:19.

• Wen you feel pain, God feel um too. Wen you pray, he lissen. He know jus wat you need.​—1 Kings 8:38, 39.

  His Government goin stop all suffering foeva. (Matthew 6:9, 10) Until den, God stay close by an he give us good kine words.​—Jesus Guys 17:27; Numba 2 Fo Da Corint Peopo 1:3, 4.