“Eh, everyting inside da Bible stay dea, cuz God wen put um inside da guys heads dat wen talk fo him befo time.”​—Numba 2 Fo Timoty 3:16, Da Jesus Book.

Can ansa any kine questions you get.​—Numba 2 Fo Timoty 2:7.

Can have one betta life fo you.​—Matthew 7:12.

Get one fo shua hope an future.​—Fo Da Rome Peopo 15:4.

Fo shua, because:

• So unreal how da Bible came togedda. Ova 1,600 years Jehovah wen use 40 different guys fo write da Bible. Jus like different kine guys playing da ukulele, wit different kine notes make one beautiful song. Da Bible da same way, all blend togedda.

• Bible writers neva lie. Plenny people everywea neva tell dea mistakes cuz dey high makamaka. But da Bible writers show dat dey real kine peopo an make plenny mistakes.​—Matthew 26:69-75.

• Solid truths. Tings da Bible wen tell us years ago can show us how peopo goin act nowadays.​—Numba 2 Fo Timoty 3:1-5.

  Since peopo ack lidis nowadays, you tink da Bible came from God?​—Numba 2 From Peter 1:21.