Erybody feel sad sometimes. Jus cuz you feel lidat no mean dat you no moa faith in Jehovah. Even Jehovah had feel sad sometimes. (Start 6:5, 6) But wat if we stay supa sad, o feel lidat all da time?

Pray to Jehovah fo kokua. Jehovah kea plenny about how we feel inside oua head, an inside oua heart. He know wen we stay happy an wen we stay sad. He undastan how come us tink an feel da way we do. (Songs 7:9b) Mos importan, Jehovah kea about us an can help us fo hando wen we stay sad o even depressed.​—Songs 34:18.

Take kea yoa mental health. Junk kine feelings can make us sad an jam up oua worship. Cuz of dat, is good fo proteck oua heart​—da way we tink an feel, da kine person we stay inside.​—Smart Guys 4:23.

WATCH UM DA VIDEO HOW NOTTING BODDA OUA BRADDAHS EVEN WEN DEY STAY DEPRESSED, AN DEN ANSA DESE QUESTIONS:

• Wat kine tings Nikki wen do fo help her hando her depression?

  Yoa ansa

• How come Nikki had feel like she wen need fo get medical kine help?​—Mat 9:12

  Yoa ansa

• How Nikki wen trus dat Jehovah was going kokua her?

  Yoa ansa