Da home page on oua website get articles an videos dass made fo guys wit one good heart dat no stay Witnesses Fo Jehovah. (Jesus Guys 13:48, NWT) Plenny times get tings on top dea dat stay happening on da news, o stuff peopo stay talking about.

How you can use da jw.org home page wen you go preach?

• Check out da website all da time. Try go look wat stay on top now, an tink about how you can use um fo kokua somebody who like lissen. (Fo look odda kine stuff dat was on da home page befoa, try click “See More.”) Cuz stay changing all da time, keeping up wit wat stay on top now, going give you someting new fo talk about wen you stay preaching.

• Use da articles an videos on da home page fo start talking story. Dese stuffs can give us one good idea of wat da peopo wea we live might be tinking about.

• Show peopo da home page. Poin out some tings dat stay on top dea, an show dem how fo use da website.

• Share one link. Some peopo might not like talk story face to face but dey no mind check out oua website. So no sked fo give um one link to da home page, one article, o one video dat you tink dey might like check out.